SUPERBALITA CEBU

10 anyos gi-rape, gipatay sa uyoan

GIPRISO NA: Si Jaime Edrina, 32, gipusasan sa kapulisan human mo-surrender sa iyang pag-rape ug pagpatay sa 8-anyos nga pag-umangkon sa pag-agawan. / gikan sa FB page ni Jham Antigua

GILUGOS ug gipatay sa uyoan ang iyang 10-anyos nga pag-umangkon sa lungsod sa Barangay Casioangan, Calubian, Leyte, alas 11 sa buntag, Martes, Enero 19, 2021.

Ang paglugos nahitabo sud sa balay sa suspek, apan gipatay ug gilubong ang bata sa bukirang bahin na sa lungsod sa San Isidro, kasikbit ra sa Calubian.

Ang suspek giila sa kapulisan nga si Jaime Edrina, 32, mag-uuma, nagpuyo sa nahisgutang lugar, ig-agaw sa inahan sa bata.

Sa imbestigasyon sa kapulisan, alas 4 sa hapon, Huwebes, Enero 21, boluntaryo nga mi-surrender sa kapulisan sa Calubian si Edrina.

Siya niangkon nga siya ang nipatay kang Nena (di tinuod niyang ngan) human niya giingong lugosa sud sa ilang balay samtang sila rang duha.

Ang kapulisan ning lungsod nakig-alayon sa kapulisan sa San Isidro, Leyte kay sakop sa area of jurisdiction sa lungsod ang gipatyan ug gilubngan ni Nena.

Base sa imbestigasyon, alas 11 sa buntag niadtong Martes, Enero 19, nibiya si Nena sa ilang balay aron moadto sa balay ni Edrina, kinsa ig-agaw sa iyang inahan, aron magpatudlo sa module sa asawa sa suspek.

Pag-abot sa bata sa balay, wa diha ang asawa ni Edrina kay toa sa lungsod nag-asikaso sa 4Ps.

Nahabilin sa balay mao lang si Edrina ug ang duha niini ka mga anak nga batang lalake.

Gisugo ni Edrina ang duha ka mga anak sa pagtugway sa ilang baka sa umahan.

Sa dihang nilakaw na ang duha ka mga anak, gisugdan na sa paglugos ni Edrina ang iyang pag-umangkon.

Human sa paglugos, gidala ni Edrina si Nena sa Mortigue Farm nga sakop sa San Isidro ug didto gitigbas sa suspek ang liog sa bata,

Human niya og patay, iya kining gisud sa sako ug gilubong.

Sa iyang pagtahan, nisulti si Edrina sa nahitabo ug diin niya gilubong si Nena.

Sa pagsusi sa kapulisan sa San Isidro sa lugar diin gitumbok ni Edrina nga gilubngan sa lawas, ilang nadiskubrehan ang bata nga nagkadugta na ang lawas.

Gipaubos na sa autopsy ang lawas ni Nena ubos sa pagtugot sa pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph