SUPERBALITA CEBU

Nalzaro: Babaye dili haum mag-Presidente

Saksi

GIPADAYAG ni Presidente Rodrigo Duterte sa miaging semana nga dili haum ang usa ka babaye sa presidency. Kay matod pa niya nga ang trabaho sa Presidente dili makaya sa usa ka babaye gumikan sa huyang niini nga emosyon. Ambot kon iya bang gi-discourage ang iyang anak nga si Davao City Mayor Inday Sara Duterte nga gituboy na nga maoy mosunod sa iyang lakang.

O ba kaha iyang gi-igo o gisupalpal daan si Vice President Lenie Robredo nga usa na lang ka tikang ug mahimo nang Presidente. Kana kon ibuto si Lenie sa mayoriya sa mga botante sa 2022 Presidential elections. Seryoso ba ang Presidente sa iyang pamahayag o nangumedya ba lang? Gumikan sa maong pamahayag, daghan ang misaway kaniya.

Hagbay rang napamatud-an sa kasaysayan sa kalibutan nga ang gender o sex sa usa ka tawo dili mahimong sukdanan kon siya mamahimo bang maayong lider. Gikan sa panahon ni Cleopatra, Indira Gandhi sa India, Margarette Thatcher sa Britanya ug daghan pang uban sa karon nga henerasyon. Ang atong ma-ehemplo ang atong mga bag-ong lider nga kababayen-an.

Sa mga pribadong mga kompaniya o kaha sa atong kagamhanang lokal. Mga mayor sa kalungsuran ug ang atong gobernador nga si Gwen Garcia. Klaro kaayong wa maigo sa paghulagway ni Pres. Duterte nga huyang ang ilang emosyon. O ang nangaging presidente nga sila si Cory Aquino nga mibuntog sa diktatoriyang pangagamhanan ni Marcos. O si Gloria Macapagal Arroyo.

Karon nibuhi na sad og pulong ug ‘dinali-dali’ nga komentaryo ang atong Presidente nga walay ayo ang babaye nga mahimong Presidente gumikan sa kahuyang sa ilang mga emosyon.

Iyang giluwatan kining maong konklusiyon nga walay igong basihanan o pruweba nga nagpamatuod niini. Dili ba gyud kombensido si Digong sa mga gawi o binuhatan sa kababayen-an? O nangumedya lang siya ug iyang bakwion kining mao niyang gipamulong sa umaabot nga mga adlaw sama sa iyang pagbakwi sa mga una niyang gipamulong nga nahulog lang siyang kataw-anan? (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph