NAUGDAW ang bodega sa mga ligid human kini masunog alas 8:20 sa buntag Dominggo, Enero 24, 2021, didto sa 6th Avenue, Bangoy, Barangay Tomas Monteverde Sr., Agdao District, Davao City.
Unang nasunog ang bodega nga dunay daghang ligid sa trak ug bike ug gilayong mikanit sa kabalayan ang kalayo.
Sa report, nadamay pagkaugdaw ang lima ka mga balay sa likod sa bodega.
Daling miresponde ang kabomberohan hinungdan nga napugngan ang pagkanit sa kalayo sa kasikbit nga kabalayan apan dugay napalong ang nagdilaab nga kalayo gumikan sa mga goma.
Ginasubay pa sa Bureau of Fire Protection ang hinungdan sa kalayo ug ang damyos sa sunog.
Hinuon walay nakabsan nga kinabuhi sa maong hitabo. (Jeepy P. Compio)