SUPERBALITA CEBU

Gi-salvage nakita sa kasagbotan

USA ka lalake nga hubo ug patay na, ang napalgan sa kasagbotan sa Sityo Tapol, Barangay Lusaran, dakbayan sa Sugbo.

Ang patay nakaplagan sa usa ka babaye nga buot unta nga mangihi sa dapit apan nakurat sa iyang nakita ug nisumbong sa mga opisyal sa barangay.

Si Police Captain Jonathan Taneo, hepe sa Talamban Police Station, niingon nga ang mga opisyal sa barangay na nga ang nahitaboan naa sa utlanan sa Lusaran ug Barangay Tag-ube nga sakop sa lungsod sa Compostela, ang nipahibawo sa kapulisan.

Dugang ni Taneo nga nakig-alayon pa sila sa Compostela Police Station kon asa nahimutang ang dapit kon diin napalgan ang usa ka patay nga lawas sa usa ka tawo.

Sa kasamtangan, ang Talamban Police Station una ang mikuha sa mga detalye sa napalgang patay nga lawas.

Ang biktima hubo ug ang nawong giputos sa packaging tape samtang ang kamot niini gigapos nga pinatalikod.

Way nakaila nga molupyo sa dapit sa maong tawo. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph