SUPERBALITA CEBU

Modernong sistema sa patubig sa lalawigan ipatuman ni Gwen

Cebu Governor Gwendolyn Garcia. (File photo)

MODERNO nga sistema sa tubig ang ipatuman sa kagamhanan sa lalawigan sa Sugbo sa higayon nga magsugod na ang Inter-LGU waterworks system.

Ang smart meters ang gamiton sa Kapitolyo sa matag panimay sa kalungsoran ug digital na ang pagbasa sa kunsumo sa tubig sa mga kunsumidor.

Mag-una ang Kapitolyo sa paggamit sa mas high tech nga sistema nga mas epektibo kini kon itandi sa manomano nga pagbasa metros sa tubig.

Kini maoy gipahibalo ni Cebu Governor Gwendolyn Garcia sa mga tigbalita.

Ang maong paagi gamitan og wireless technology diin dili na kinahanglan pa nga mosuroy ang mga tawo aron pagbasa sa metrosan sa tubig kon pila na ang nakunsumo sa matag panimalay.

Inig abot sa cut off period, automatic nga malista sa sistema kon pila ang nakunsumo sa matag panimalay ug diretso nga mapatik sa bill ang bayranan.

Samtang ang pagbayad mahimo usab nga ipaagi sa bayad centers direkta sa Provincial Treasurers Office.

Automatic usab nga putlon sa teknolohiya ang supply sa tubig sa matag panimalay nga dili makabayad.

Pinaagi niini, ma-detect usab ang leakage sa tubo ug masusi dayon kini.

“Ako nanang gitun-an ang pinaka laborious ug sometimes becomes room for corruption ilabi na kana gyung pagbasa sa meter usahay dili mabasa usahay inig basa dili mao so how would we address this?... Naa natay gi-contact sa China. We will be importing smart water meters,” matod ni Garcia.

Gipasalig ni Garcia nga hatagan og igong panahon ang mga kunsumidor sa pagbayad sa tubig.

Usa sa mga plano pagpalambo sa patubig sa lalawigan human nakahukom si Garcia nga ang Kapitolyo na ang mopadagan sa waterworks system sa lungsod sa Carmen. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph