SUPERBALITA CEBU

Mga drainage project pagsulbad sa baha gitagaan og prayoridad

GROUNDBREAKING CEREMONY: Si KongresIsta Paz Radaza (ikaupat gikan sa wala), sa bugtong congressional district sa dakbayan sa Lapu-Lapu, maoy nangulo sa ground­breaking ceremony sa drainage system project sa national ug secondary road sa Mactan Circumferential Road nga sa Barangay Babag. Kauban sa kongrsisya an mga opisyal sa barangay ug Department of Public Works and Highways (DPWH). / Tampo

SA TUYO nga matagaan og kasulbaran ang suliran sa baha, padayon karon ang pagtukod sa nagkadaiyang drainage projects sa dakbayan sa Lapu-Lapu.

Niadtong Enero 14, gipangulohan ni Kongresista Paz Radaza ang groundbreaking sa drainage system project sa national ug secondary road sa Mactan Circumferential Road nga nahimutang sa Barangay Babag.

Mokantidad ang naasoyng proyekto og P19.6 milyones.

Niadtong Enero 15, laing drainage project ug pagpanindot sa dalan usab sa Barangay Bankal ug Mactan ang gipaubos sa groundbreaking.

Gigahinan kini og moabot sa P27.5 milyones sa pagpaningkamot sa kongresista ug gitahasan ang Depratment of Public Works and Highways (DPWH) Cebu 6th Engineering Office sa pag-implementar niini.

Nadesisyonan ni Radaza ang paghatag og prayoridad sa mga drainage system gumikan kay dili siya gusto nga masusama ang dakbayan sa kaulohan nga sa uwahing bahin sa miaging tuig nakasinati og grabe nga pagbaha ilabi na sa mga flood prone area.

Pipila ka buwan ang nakalabay gipahigayon usab ang groundbreaking sa P46 milyones nga karsada ug drainage projects sa Basak-Cagudoy, Buaya, Bankal ug Pajac nga sumpay ra usab sa proyekto sa Barangay Babag, Mactan ug Agus.

Ang mga kapitan sa maong mga barangay mapasalamaton sa proyekto sanglit matagaan na og kasulbaran ang mga suliran nga kanunay nilang madawat gikan sa ilang mga konstituwente. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!