Dear Noy Kulas,
Maayong adlaw nimo. Tawga lang ko og Cardo, 40 years old na ug minyo. Ang akong pamilya toa sa Mindanao ug dugay na kong wa makauli tungod sa travel restrictions.
Karon, diri sa akong work, naa koy nasuod nga kauban nga batan-on pa kaayo kay 23 years old pa. Naa na siyay uyab mga two years na. Kahibawo siya nga minyo ko, but magsige ra mi og kuyog bisan asa kay naa man koy motor. Mas mokuyog pa siya nako kay sa iyang BF and to be short, na develop akong feeling niya. Naatol pud nga ang akong asawa magsige og pangaway nako.
Nakabantay ko nga same sab ang nahitabo niya. In fact, ni kiss na ko niya ug passionate kaayo ang among moments. Pero niingon siya nga di pwede magkakami kay minyo ko. Gaplano siya nga buwagan iyang BF kay wa na kuno siya mag love. Noy, naglibog na ko unsa ang akong buhaton karon kay feel nako, wa na maka feel og something para sa akong asawa, naa na niya tanan. Tambagi ko. Daghang salamat!
CARDO
Cards,
Tungason kaayo nga magkakamo kay nakahigot ka na sa kaminyuon. Ang pagsulod nimo og relasyon di maoy solusyon sa inyong problema sa imong asawa. Angay ka usab mosabot kaniya ning panahuna tungod kay taudtaud na mong wa magkita. Common problem ni sa relasyon sa magtiayon nga nagkalagyo.
Pagsultihanay mo sa imong kauban nga angay nang hununongon ninyo ang kanunay nga panagkuyog kay tinuod, di ka maiyaha ug iyaha usab. I encourage siya sa pagkuyog sa iyang BF aron pagdagkot usab sa nagkaawop nga kainit ug kahayag sa ilang relasyon.
Ikaw usab, kanunaya na ang communication sa imong asawa. Pasagdahi kon siya mangaway. Natural ra na sa gihidlaw ug gimingaw.
NOY KULAS