SUPERBALITA CEBU

Nalzaro: Cancel Sinovac?

Saksi

HUMAN sa debate sa kon usang matang o brand sa vaccine nga atong paliton, ang gilalisan karon mao na usab ang presyo ug efficacy o unsa ka epektibo ang bakuna. Daghang klase sa bakuna ang giangkat o gipalit sa kagamhanan pinaagi ni vaccine czar Secretary Carlito Galvez. Unang nakig-negosasyon si Galvez sa Sinovac sa China diin ang ilang produkto gitawag og Coronavac.

Apan gumikan lagi kay gikan man sa China, daghan ang mipadayag sa ilang kabalaka nga matusukan ning maong matang sa bakuna. Labi pa kay didto sa Brazil nga mao ang unang mikompra niini, nasuta nga 50.4 per cent lang ang efficacy ning maong vaccine itandi sa uban nga moabot ngadto sa 94 per cent. Pero matod pa sa World Health Organization (WHO) nga kanang 50 per cent efficacy rate, okey na na.

Apan alang sa ordinaryong mga tawo, dili man ang efficacy rate ang ilang gidid-an o gikahadlukan nga matusukan ning maong bakuna. Wala makasabot ang uban aning efficacy. Ang ilang gikahadlukan mao nga ang China nabaniog nga tighimo og mga peke o counterfeit nga mga produkto. Nabalaka sila nga basin “hawshaw” ning maong bakuna.

Nganong gipaburan man gyud sa kagamhanan ang Sinovac? Gani, mohatag man ang China og 500 million doses sa nasud. Unsa man, ato na lang ipakanselar ang pag-order og Sinovac?

Adunay duha ka dagway ang bisan unsa nga isyu. Pananglit, samtang ania ning kasamok, kalibog ug panaglalis bahin sa bakuna gikan sa China nga naghatag og kalangan sa pagkompra sa bakuna. Apan ang panaglalis mao usab ang makapagawas sa unsa ang lunsay ug labing makiangayon ug ugdang nga aksiyon sa pagsulbad sa problema. Mao kini ang nakanindot sa demokrasya kay gawasnon kitang makapadayag sa atong baruganan bisan kon sukwahi kini sa mga nagdumala sa kagamhanan.

Kay di nato angay hikalimtan, ania ra baya kita sulod sa usa ka nasud ug managsama kitang tanan og padulngan kon unsa man ang maabtan ning krisis nga atong gi-atubang.

Ang pagpingki sa hunahuna sa atong mga lider maoy usa sa labing gamhanang hinagiban nga atong gikinahanglan ning higayona. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!