Ning adlawa, Enero 27, insakto usa ka tuig ang nakalabay, nagbangutan ang kalibutan sa paugnat sa kusog human sa kalit nga kamatayon ni basketball legend Kobe Bryant.
Ang gitawag og Black Mamba sa National Basketball Association (NBA) nipanaw sa laing kalibutan gumikan sa helicopter crash sa Calabasas, California kauban ang iyang 13 anyos nga anak nga si Gianna ug laing pito ka mga tawo.
Nawala man tuod si Bryant apan ang iyang mga nahimo sa natad sa basketball seguradong magpabilin sa panumdoman hangtod sa kahangturan.
Sa iyang 20 ka mga tuig sa NBA, usa ra ka team ang giduwaan ni Bryant ug kini mao ang multi-titled Los Angeles Lakers gikan niadtong 1996 hangtod 2016.
Sa iyang pagretiro, si Byrant nakabawon og lima ka mga kampyonato, usa ka MVP award niadtong 2008 ug nahimo siyang All-Star sulod sa 15 ka mga tuig.
Si Bryant nakaugbok og pundasyon isip usa sa labing maayong basketbolista nga nakaduwa sa NBA. (ESL)