Posible nga adunay mahitabong trilogy sa away batok sa UFC superstar Conor McGregor ug Dustin Poirier.
Human mapilde si McGgegor niadtong Enero 24, 2021, nag-post dayon kini sa Twitter kabahin sa posibilidad sa ikatulong away nila ni Poirier.
Gipalukapa ni Poirier ang Irish superstar nga si McGregor sa second round sa ilang away sa UFC 257 didto sa Abu Dhabi, United Arab Emirates aron tablahon ang ilang rekord ngadto sa 1-1.
Una nang nag-abot ang duha ka fighters niadtong Septiyembre 2014. Niadtong tungora midominar si McGgegor ug mipaundang kang Poirier sulod lang sa 106 ka mga segundos.
Human sa ilang ikaduhang away, una nang niingon si Poirier sa post-fight interview nga interesado siya nga adunay mahitabo nga ikatulong hugna sa ilang panag-away.
Matod niya nga nagtabla na sila karon og maayo nga buhaton nila pag-usab aron mahibal-an kinsa ang mas labaw. Interesado sab si McGregor og rematch.
“Thanks for the support everyone! Was not my night/morning in there but a great contest to improve on. I’m excited to a blockbuster trilogy I now have on my hands,” padayag ni McGregor sa iyang opisyal nga Twitter account.
Managlahi ang komento sa mga netizen kabahin sa post in McGregor, adunay miingon nga maayo nga napilde siya, naa puy misulti nga mobangon ra si McGregor ug adunay uban nga gusto makakita nga mag-away og balik ang duha.
“There is a weakness in every man. You will be back stronger and better. You know what to do. You are the Notorious,” suwat ni Cormac Grendon.
“I look forward for your return. I know you’ll come back stronger. Keep your head up,” padayag ni UFC fighter Cub Swanson sa post ni McGregor.
Aduna say netizen nga miingon nga overated ra si McGregor ug nagdahom na sila nga mapilde kini. (RSC)