SUPERBALITA CEBU

Editoryal: Hulga sa ASF

Editorial Cartoon by John Gilbert Manantan

NAGHULGA ang pagnihit sa karneng baboy tungod sa African Swine Fever (ASF) nga namatikdan sa MIndanao, Luzon ug Leyte o Region 8. Kon mominos ang supply, natural nga momahal ang presyo niini nga namatikdan sa kamerkadohan karon.

Dili kini angay nga kabalak-an. Panahon na nga magsud-an kita og utan, isda ug ubang matang sa karne nga mas luwas alang sa atong panglawas. Ang mas nakabalaka mao ang dakong industriya sa baboyan sa Sugbo nga gikataho nga moabot og P11 bilyunes.

Bahin sa pagkaon, ang Sugbo abunda sa mga utanon sa mga bukirang dapit. Ang Department of Health (DOH), pinaagi sa National Nutrition Council (NNC), nagduso sa mga utanon nga mas pilion alang sa maayong panglawas ug limitadong gidaghanon sa karnae alang sa balanse nga nutrina.

Apan kadaghanan sa nanagpuyo sa dakbayan halos nagsud-an og karne labi na sa baboy kada adlaw, Pwera sa pagdaut sa karne, apan ang kamatuoran dili matago, labi na sa dinaghan nga produksiyon, gilawgan kini og dili natural nga pagkaon ug gipainom og mga tambal tunghod sa negisyo.

Kining tanan nagtuhop sa karne ug makaon usab sa tawo ang mga kemikal nga nakaon sa hayop. Wala kita manghadlok. Wala kita nag-adbokasiya nga dili mokaon og karne. Apan ang minimal nga pagkaon niini aron duol sa sakit.

Dili tuod angay mabalaka sa pagnihit sa karneng baboy apan sa pikas bahin, dako kini og epekto sa lokal nga ekonomiya. Busa, angay protektahan usab ang negosyo ug lokal nga industriya aron dili mosamot ang nasinati nga krisis mugna sa pandemiya sa Covid-19.

Mag-ampo kita nga dili maapektohan sa ASF. Suportahan ang lakang sa lokal nga kagamhanan sa pag-ban sa mga baboy gikan sa mga apektadong dapit sa ASF. Dili kita mabalaka. Magpakabana batok sa ASF. Mas pilion nato ang utan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!