SUPERBALITA CEBU

7 ka piniriso gi-Covid; PNP lab makaila nag UK variant

Pito ka mga binilanggo sa Sawang Calero Police Station sa Cebu City Police Office (CCPO) positibo sa coronavirus disease (Covid-19) human sila gipaubos sa swab test sa wa pa gibalhin sa Cebu City Jail.

Tungod niini, kasamtangan nga gisuspenso sa CCPO ang pagpanawat og bisita sa mga binilanggo sa police station samtang nag disinfect sila sa sulod.

Matod ni Police Lieutenant Colonel Wilbert Parilla, deputy city director for operations sa CCPO, nga gipaubos sa swab test ang mga dinakpan sa Station 6.

Kasagaran kanila nalambigit sa illegal nga drugas.

Enero 25, 2021, nigawas ang resulta nga positibo sila sa Covid.

Na-commit na hinuon sila sa Cebu City Jail apan gipaubos una sila sa isolation sa Bureau of Jail Management and Penology (BJMP).

“So, first ang atong buhaton is to suspend all the visits sa atoang mga persons deprived of liberty (PDL) and then ang atoang mga bag-ong arrested ato nang ibalhin. It might be atong ipadala diri sa headquarters ang mga bag-o nilang dakop,” matod ni Parilla.

Nimando si Parilla nga lainon ang mga dinakpan sa illegal nga drugas ug ibalhin ang uban niini sa CCPO aron di maghuot sa selda sa police station.

MAKAILAG BAG-O

Ang molecular laboratory sa Philippine National Police nga naa sa sulod sa Camp Sotero Cabahug sa CCPO mahimo na nga maka detect sa bag-ong variant sa Covid-19, sama sa UK Covid variant.

Kini nunot sa pag-abot na sa bag-ong kahimanan sa Department of Health. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph