SUPERBALITA DAVAO

Pagpamomba sa Tulunan gikondena

Hulagway iya ni Erlindo Osano

GIKONDENA ni North Cotabato Vice Governor Emmylou "Lala" Taliño-Mendoza ang pagpamomba sa Yellow Bus Line, Inc. alas 12:45 Miyerkules sa udto, Enero 27, 2021, didto sa National Highway, Barangay Sibsib, Tulunan, North Cotabato.

Pahasubo ug pag-ampo ang gipaabot sa bise gobernadora ngadto sa mga biktima ug pamilya sa namatay ug sa mga nangaangol.

"I would like to offer prayers and express sympathy to the family of the victims and wish speedy recovery for the wounded of the bomb explosion," tipik sa pamahayag sa bise gobernadora.

Suma niya usa kini ka terorismo nga binuhatan, "This act of cowardice of some lawless elements is an act of terrorism which I resolutely condemn."

Naglaum ang bise gobernadora sa paspas nga imbestigasyon sa hitabo aron maila ug masikop ang mga responsable.

"As we call authorities to speed up their investigation to identify and bring the perpetrators to justice, let us continue to be vigilant and joint efforts for a peaceful and progressive Cotabato Province," panapos Taliño-Mendoza.

Kahinumdoman usa ka 51-anyos ang dead on the spot sa hitabo, diin giingong adunay laing pito pa ka mga sibilyan ang gipangdala sa ospital human makaangkon og mga samad sa kalawasan.

Wala pay opisyal nga pamahayag nga gipagula ang pamunoan sa Yellow Bus Line, Inc apan daghan ang nagtuo nga pamaagi kini sa mga dautang grupo nga wala milampos sa ilang pagpangilkil. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph