POSIBLENG wa matagbaw sa kahait sa manoy sa iyang bana, nangita og laing hinagiban ang usa ka ginang, apan gidemalas lang kay nasakpan sila sa aktong nagkinaguray nga miresulta sa pagpanunggab.
Alas 10:40 sa gabii, Enero 26, 2021, nakadawat og report ang Central Base 911 labot sa pagpanunggab sa Km 8.5, Matina Pangi, siyudad sa Davao.
Sa pagpanubay sa kapulisan, nasayran nga perteng sukua sa banang si alyas Amante, 37-anyos, lumad nga taga Bansalan, Davao del Sur ug nagpuyo sa Matina Pangi human siya nakamata sa iyang pagkatug mga alas 10:00 sa gabii nga wa igkita ang asawang si alyas Sandra, 40.
Dinhi nakahukom si alyas Amante nga mogawas ug gisubay ang giabangang lawak sa iyang silingan nga nailang si Glindell, 43, lumad nga taga Malita, Davao Occidental.
Nasayran nga dugay nang nakadungog sa mga tsismis si Amante nga may tagong relasyon ang iyang asawa ug si Glindell.
Dihang miabot siya sa balay ni Glindell nadungog niini ang tingog sa iyang asawa ug nakompirma pa niya ang kawat-kawat nga kalipay sa duha human niya makita si Glindell nga hubo ug maayo kaayong nagkabayo sa iyang asawa.
Sa kalagot ni Amante, mipauli siya ug mikuha'g kutsilyo.
Dinhi niya giayo'g dunggab si Glindell nga naigo sa nagkadaiyang parte sa lawas, maayo na lang nakasibat.
Samtang ang asawa niyang si Sandra, abtik pa's kawatan nga nakasibat.
Misurender hinuon ang suspek sa kapulisan bitbit ang dise sais pulgadas nga kutsilyo.
Anaa karon sa Southern Philippines Medical Center si Amante ug Glindell aron matambalan ang mga samad nga naangkon atol sa ilang komusyon.