'Legends never die' Mensahe ni LeBron sa death anniv ni Kobe

Nagbaha ang mga mensahe sa nagkadaiyang plataporma sa social media kabahin ni anhing Kobe Bryant kagahapon atol sa unang tuig nga kasumaran sa kamatayon sa gitawag og “Black Mamba” sa National Basketball Association (NBA).

Mga magduduwa, coaches, officials ug boxing fans ningpadayag sa ilang pagbangutan sa makapakugang nga nahitabo sa gikonsiderar nga usa sa labing maayo nga basketbolista sa kalibutan nga nabantog isip kanhi pambato sa Los Angeles Lakers.

Ang mensahe nga gipaagi sa video sa laing superstar sa Lakers nga si LeBron James ngadto kang Bryant maoy usa sa nakahakot og labing daghang views sa Twitter.

“There’s a saying that says time heals all. And as devastating and as tragic as it was and still, is to all of us involved with it, you know, only time and it takes time. Everyone has their own grieving process,” matod ni James.

“Theres a lot of things that die in this world but legends never die. And he’s exactly that. So, it’s all about representing that.”

Niadtong Enero 27, 2020 (RP time), nakugang ang kalibutan sa paugnat sa kusog dihang namatay si Bryant sa helicopter crash kauban ang iyang anak nga di Gianna ug laing pito ka mga tawo.

Pipila ka mga oras una sa iyang kamatayon, si Bryant naka-congratulate pa ni James human nailog ni James gikan kang Bryant ang ikatulong puwesto sa listahan sa labing daghang puntos nga napupo sa usa ka magduduwa. Suod nga managhigala sila si James ug Bryant.

Si Bryant nagduwa sa NBA sulod sa 20 ka mga tuig gikan niadtong 1996 hangtod 2006. Wala siya’y laing team nga giduwaan kon dili ang Lakers lang hinungdan nga pinangga siya sa mga sumosunod sa multi-titled squad.

“Every day I try to have that Kobe mentality, that Mamba mentality,” tweet ni Army Specialist Malcolm Marks.

“He is going to live on forever through his legacy,” tweet ni Miguel Fong. (ESL)