Gipanghimakak sa kampo ni Senator Manny Pacquiao ang kabahin sa gianunsyo ni World Boxing Council (WBC) interim lightweight champion Ryan Garcia nga siya maoy sunod nga makontra sa Pambansang Kamao ng Pilipinas.
“As far as I know, walang Ryan Garcia na kausap ang Paradigm Sports Management, as of now ‘yan ha,” mensahe sa special assistant ni Pacquiao nga si Jayke Joson sa Viber nga napatik sa www.abs-cbnnews.com.
Gipasabot ni Joson nga ang pag-ila sa sunod nga kontra ni Pacquiao maoy trabaho sa Paradigm Sports Management.
“Sila magsasabi kay Sen. MP kung sino ipapalaban nila. That’s the only time mag-start conditioning then training si Sen. MP. Hindi sa post diyan sa social media,” batbat ni Joson.
“Napakahabang process niyan bago dumating sa fight contract then after fight contract, sched ng promo tour at doon pa lang i-announce kung sino makakalaban.”
Sa kasamtangan, gitataw ni Joson nga nakatutok pa si Pacquiao sa iyang trabaho sa senado hinungdan nga wala pa kini nakignegusasyon bahin sa sunod niyang away. (ESL)