Konsultahon ni Mayor Edgardo Labella ang konseho sa dili pa mohimo og tukmang aksyon labot sa tanyag sa Land Bank of the Philippines (LBP) nga mopautang og P5 bilyones ngadto sa Cebu City.
Si Labella nagkanayon nga kon siya ang pabut-on, iyang pahimuslan ang oportunidad gumikan sa kagamay sa interest ug nipahimulos usab sa samang tanyag ang ubang local government labi na didto sa National Capital Region.
Ang mayor niiningon nga base sa iyang nasayran, 2% ra ang annual interest subay sa tanyag sa LBP ug ang kwarta mahimo kining gamiton para itiwas og bayad sa nahabiling utang sa SRP.
“If you look at it, the interest is very minimal, if you are trying to compute, it’s about 2%,” padayag ni Labella.
Kon siya lang ang pabut-on, labing maayo nga kuhaon sa dakbayan ang kahigayonan sanglit dili sa tanag higayon, ang LBP adunay samang tanyag.
“There are very encouraging terms and conditions that it’s very hard to refuse but I would rather that this matter also referred to the City Council so that we will find ou,” dugang ni Labella.
Giklaro sa mayor nga aduna pay binilyon nga pundo ang Cebu City Government ug wala mabangkarota.
Ang konseho adunay pending nga resolution nga gipangamahanan ni Konsehal Raymond Garcia nga mag-authorize kang Labella pag-avail sa maong tanyag.
Sa unang semana sa Pebrero, ang konseho moimbitar sa mga opisyal sa LBP aron paghatag og katin-awan bahin sa maong tanyag niining panahon sa pandemiya. (PAC)