Garcia: Pagpabangon sa ekonomiya tutokan, Covid bantayan

Cebu Governor Gwendolyn Garcia. (File photo)
Cebu Governor Gwendolyn Garcia. (File photo)

Pagpabangon sa ekonomiya maoy angay nga tutokan samtang pabiling bantayan nga di makasaka og maayo ang coronavirus infections.

Alang kang Cebu Governor Gwendolyn Garcia, importante ang pagpabangon sa ekonomiya tungod kay daghan na ang nag-antos sa ekonomikanhong epekto.

“It is a matter of managing Covid-19,” kini maoy gihimug-atan ni Garcia atol sa live presscon sa Lungsod sa Argao sa Enero 26, 2021.

Kini subay sa taho ning mantalaan nga niubos sa 10 na lang ka mga lungsod sa Lalawigan sa Sugbo ang wa na makatala og mga positibong kaso sa coronavirus disease (Covid-19).

Matod ni Garcia, gikinahanglan nga hatagan og gibug-aton ang pagpabangon sa ekonomiya tungod sa kalisod sa epekto sa pandemya.

Wa mahimuot si Garcia sa paghatag og gibug-aton kon pila na lang ka dapit sa probinsya ang maisip nga “zero Covid.”

“Apan kon mao nalang pod na ang sigihan nato og tan-aw, mag-inihap ta kon pila na kabuok Covid. Unya ang resulta dunay mag overreact, mobalik na pod ta og higpit, sirhan napod nato ang ekonomiya? Ngano kahang di pod i-report kaha sa media nga mao na lang gyoy nakit-an ang Covid? Pila na kahay gigutom ron pod? Pila na ka lungsod ang nawad-an og trabaho nga naglisod na ang mga tawo pagbuhi sa ilang pamilya? Nganong di ninyo na iapil og ihap? ”matod ni Garcia.

Subay sa natala nga datos sa Department of Health (DOH-7) sa Enero 26, aduna nay 6,672 ka mga pasyente nga naka recover sa Covid-19 apan aduna pay 553 ka mga aktibong kaso nga gi-monitor.

Usa sa mga lakang nga gipatuman ni Garcia pagpalambo sa ekonomiya mao ang pagbukas pag-usab sa turismo, mga establisimento ug mga programa nga naumol taliwa sa pandemya.

Sama sa Sugbo Negosyo ug Sugbusog nga dunay tumong sa pag tabang sa mga Sugboanon ning panahon sa kalisod.

“Kami sa Province, we accept the fact that life is not perfect. This is not a paradise. There are diseases and there are diseases. It is not a matter of eradicating diseases because we cannot do that, but it is a matter of managing diseases. And in this case, it is a matter of managing Covid-19,” matod ni Garcia.

Panawagan ni Garcia sa mga Sugboanon nga lig-unon ang panglawas, mosunod sa health protocols ug maghinlo kanunay aron malikay sa kagaw.

“Let’s strengthen and boost our immune system. Let’s follow health protocols. Let us be hygienic. But beyond that, atong buhaton mo focus ta nga maka recover intawon ning ekonimoya nato,” matod ni Garcia. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph