BALIK operasyon na ang Mandaue City Legal Office (MCLO), City Engineering Office (CEO) ug ang Office of the Building Officer (OBO) karong adlawa, Enero 28, 2021.
Gianunsyo kini sa official Facebook page sa Mandaue City Public Information Office.
Niadtong miaging semana, ang OBO ug CEO gisirado human nga usa sa empleyado sa CEO nagpositibo sa coronavirus disease (Covid-19).
Niadtong Lunes, Enero 25, 2021, nagpositibo sab sa Covid-19 ang usa ka empleyado sa MCLO, hinungdan nga nasirado sab kini.
Karon, nahuman na ang contact tracing sa matag opisina.
Adunay lima ka mga empleyado sa CEO ug duha ka empleyado sa MCLO ang nagpositibo sa Covid-19 ug gipaubos na kini sa isolation ug monitoring. (KFD)