Ephraim Basbas
Nagsuwat / Hulagway
Sa nagplano og island trip ang isla sa Olango, dakbayan sa Lapu-Lapu adunay holiday resort nga maghatag sa inyong katagbawan dili lang sa kalingawan ingon man relaxing sa inyong pag-istar.
“Sagastrand beach resort and restaurant lets you relax from the hustle of the city and gives a quality comfort to every guest that walks inside the resort.”
Ang pangalan nga Sagastrand nga nahimutang sa Barangay San Vicente, isla sa Olango combination sa apelyido sa Pinay nga managing partner nga si Emily Sagarino Salan.
Samtang ang “strand” Norwegian term sa beach kay gipanag-iya kini sa magtiayong Norwegian national.
AMENITIES UG UBAN PA
Matod ni Emily nga sud na sa 10 ka tuig nag-operate ang resort nga adunay amenities ug facilities sama sa duha ka swimming pool nga 4 feet ang gilawmon ug ang 3.7 feet deep.
Adunay billiard table, badminton court, beach volleyball area, bicycle rental, ug Japanese inspired garden area.
Samtang sa ilang rooms for accommodation adunay kapilian: upat ka villas nga kasudlan og pito ka tawo sa P8,800 ngadto na sa P10,300 alang sa overnight stay, upat ka garden view room–P3,250 ug duha ka economy room sa tag–P2,250 pulos good for two.
Kon adunay event nga alang sa large group adunay air conditioned function room, club houses ug tent houses nga kasudlan og 80 ka tawo. Sa kadtong mag-day use adunay tag-P500 nga rental sa cottages.
PROMO
Good news sa kadtong mga nagbudget apan gustong makasuroy sa Sagastrand kay aduna silay special promo package alang sa mag-day use diin sa lima ka tawo mobayad og tag P599 matag usa ug ang ika-unom nga kauban mahulog na nga libre.
Inclusion sa maong P599 promo rate mao ang libre nga ferry ride sa Sta. Rosa Ferry Express nga modunggo sa Angasil Port, Mactan inig abot sa Sta. Rosa wharf magpaabot na sab ang shuttle service sa Sagastrand nga libre na.
Labaw sa tanan libre ang paniudto dungan sa inyong paglingaw-lingaw tibuok adlaw.
“Until further notice,” tubag ni Emily sa pangutana kon hangtod kanus-a ang maong day-use promo.
PAGKAON SA ISLA
Nagtanyag sab ang Sagastrand og mouthwatering nga pagkaon sama nalang sa ilang sunset fiesta grill diin assorted sea foods nga gisugba nga mokantidad sa P1,100 ang package, kompleto na sa rice ug drinks nga mapaigo sa walo ka tawo.
Shabu-shabu, seafood nga sinabaw nga nailhan sa uban nga hot pot sa tag–P600 sa upat ka tawo.
Aduna sab silay Samgyeopsal sa tag-P600 mamahimong tabangan sa upat ka tawo.
Gawas niini adunay laing menu ang ilang gi-offer.
Adunay free breakfast niadtong guest nga naka-check in sa Garden View ug Economy room samtang ang Villa adunay kitchen ug gamit sa pagluto diin ang guest mamahimong mangunay sa pagpreparar sa ilang pagkaon kon dili sila buot mo-order og pagkaon sa restaurant.
UNSAON PAG-ADTO?
Sa kadtong molabang gikan sa mainland Lapu-Lapu paingon sa Olango island adunay duha ka option nga inyong mahimong sakyan.
Sa kadtong pasahero lang anaa ang Angasil wharf sa Barangay Mactan maningil og tag-P30 matag tawo sa pumpboat nga inyong sakyan.
Sa pagdunggo sa pantalan sa Sta. Rosa daghang traysikol nga nag-atang sa tag-P30 matag tawo. Sa kadtong magdala og sakyanan mamahimong mosakay sa barge nga nag-angkorahi sa Movenpick (Hilton wharf kaniadto).
P680 ang pletehan niadtong magdala og four wheels vehicle one-way.
Gibana-bana nga anaa sa tres kilometros ang gilay-on sa Sagastrand kon manukad sa Sta. Rosa wharf.
Alang sa sunod ninyong suroy, ayawg kalimti ang Sagastrand ha! /