SUPERBALITA CEBU

Rabacal: Disiplina batok Covid-19

Pakabana

Misaka na usab ang mga kaso sa Covid–19 sa Cebu City. Niadtong miaging adlaw nag-una ang siyudad sa tanang mga dapit sa nasud sa labing daghan nga gitakbuyan sa coronavirus. Nahitabo kini human ang Cebu City gidayeg sa ubang mga local government unit (LGUs) tungod sa malampuson niining pagkontrolar pagpugong sa maong virus.

Ang dakbayan mao na lay nagpabilin nga enhanced community quarantine (ECQ) dinhi sa Sugbo ug ubang mga dapit sa nasud kay grabe ang kaso sa Covid-19. Tungod niini, gipadala ni Presidente Rodrigo Duterte si Department of Environment Natural Resources (DENR) Secretary Roy Cimatu aron maoy mangulo sa pagsumpo sa grabeng pagpanakod savirus. Pinaaagi sa panabang sa Philippine National Police (PNP) gikan sa ubang mga dapit, labi na ang Special Action Force (SAF) nga maoy estiktong mipatuman sa health protocol, nga gilatid sa Inter-Agency Task Force (IATF) milampos ang kampanya sa Cebu City batok Covid–19. Ang maayong binuhatan kun best practices sa Siyudad batok sa virus maoy gipasaw-an sa national government sa ubang mga dapit sa nasud. Apan karon mibalik na usab ang pagsaka sa kaso sa Covid dinhi.

Atong makita nga ang nahimo ni Sec. Cimatu mahimo usab sa leaders dinhi sa Cebu City gawas lang sa iyang gahom nga pagpadala og mga pulis labi na SAF dinhi. Kadtong SAF dako og natabang sa pagpatuman sa health protocol labi na sa pagdestino kanila sa mga dapit diin nagpundok ang kabalayan. Nangahadlok ang mga bugoy tungod kay armado ang mga SAF nga nagdala pa gani og armored personnel carrier (APC) sa ilang pagkadestino dinhi.

Sa ato pa, dili ang abilidad ni Cimatu ug sa ubang mga opisyal sa nasudnong kagamhanan ang bugtong nakasumpo sa virus, kon dili ang mga pulis nga hugot nga mipatuman sa health protocol. Dinhi makaingon ako nga disiplina maoy labing importante sa pagsumpo sa Covid–19. Mao unta kini tutukan sa atong mga opisyal inay magsalig sa national government. Hangyuon nato ang Presidente nga ipada pagbalik dinhi sa Cebu City ang mga sakop sa SAF kon dili mahimo sa atong kapulisan ang pagdisiplina sa mga tawo.

Ang problema dinhi sa Pilipinas kay ang mga tawo nga gitahasan sa pagpatuman sa mga health protocol mao ra usab ang molapas niini. Ehemplo niini mao ang mañanita sa adlaw nga natawhan sa karon PNP chief, presidential spokesperson, local nga opisyal sa Baguio City ug uban pa. Ila usab nga estriktong gipatuman ang pagsul-ob og face shield apan may tigpatuman nga dili magsul-ob sa hustong full-faced shield kay sun visor lang ang isul-ob.

Nangreklamo usab ang ubang mga senior citizen nga dili pagawason sa ilang balay apan ang mga senior nga taga-gobiyerno libre nga mosud-gawas sa ilang balay. Ang ilang pangutana mao nga kon ang senior citizens nga mga mayor, konsehal ug ubang mga opisyal sa gobiyerno dili ba diay mataptan sa Covid–19? (mannyrabacal1144@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph