MI-REPORT ang City Health Office sa Cagayan de Oro og 12 ka mga bag-ong kaso sa coronavirus disease (Covid-19) sa dakbayan, usa niini locally stranded individual (LSI) ug 11 ang mga local transmissions.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,307.
Sumala ni Acting City Health Officer Dr. Lorraine Nery, sa 11 ka mga bag-ong lokal nga kaso, walo ang mga local cases with link, duha ang mga local index nga mga kaso, ug usa ang local authorized person outside residence (Apor).
Sa 3,307 nga kinatibuk-ang kaso sa Covid-19 sa syudad, 419 ang mga returning overseas Filipino workers/locally stranded individuals (ROFs/LSIs) ug 2,888 ang mga local transmissions.
Matud ni Nery, sa 2,888 nga mga local nga kaso, 185 ang mga persons deprived of liberty, 1,457 ang mga local index cases, ug 1,246 ang mga local cases with link.
Ang Cagayan de Oro naay 327 ka mga active cases, 106 niini na-admit sa Northern Mindanao Medical Center ug uban pang mga ospital sa syudad, 218 ang mga outpatients, ug tulo ang mga ROFs/LSIs.
Nakatala usab og 51 ka mga Covid-positive nga mga kaso nga karon naka-recover. Anaa na karon sa 2,814 ang ihap sa mga nakarekober nga mga kaso sa dakbayan.
Sa maong numero, 299 ang mga LSIs, 116 ang mga ROFs, ug 2,399 ang mga lokal nga kaso (community: 2,024; Apors: 375).
Ang ihap sa mga namatay sa Covid-19 sa syudad naa na sa 166.