Binghay: Pagamay-gamay apan gamhanan

Kahibalo ka ba kung unsa ka daghan ang mga benepisyo nga makuha gikan sa pagkaon o inom og mga citrus nga prutas sama sa lemonsito, kahil, lemon, orange, ponkan ug buongon?

Sa libro nga giulohan og ‘All about health and wellness’, dunay pito ka benepisyong panglawas ang makuha gikan sa citrus.

Ang pag-inom og tubig nga pinugaan og citrus sayo sa buntag makatabang sa hydration sa lawas aron di maughan.

Matod sa Food and Nutrition Board, ang kababayen-an dapat mo inum og 91 ounches nga tubig (8 ka basong tubig kada adlaw) samtang ang kalalakin-an, 125 ounces kon 12-13 ka basong tubig kada adlaw. Kini naglangkob sa ubang gipang-inom o kaon nga dunay tubig o likido.

Aron ganahan moinom og daghan, mas maayong pug-an sa duga ining mga citrus padugang sa lami o lasa.

Gawas ini, kining mga citrus daghan og bitamina C ug antioxidants nga motabang pag-protekta sa atong cells sa lawas batok sa mga free radicals nga maoy maka-ingon sa daling pagtakod sa mga kumon nga sakitsakit sama sa sip-on, ubo og hilanat.

Makatabang sab kini palayo sa sakit sa kasing-kasing o stroke unya makapa-menus sab sa pressure sa dugo sa atong kaugatan. Gani daghang mga mananambal ang mirekomendar pag-inum og bitamina C pagbatok sa mangtas nga Covid-19.

Ang citrus dako sab og matabang pagpaubos sa timbang o pahiyos para ma slim ug sexy. Sa gihimong pagtuon, kining iyang polyphenol antioxidants dako og matabang pagpa-ubos sa timbang.

Kining citrus makapahamis sab sa kutis ug pamanit unya makatabang pamenus sa kunot-kunot ug pag-uga sa panit.

Ang pag-inom og tubig nga may citrus makatabang sab paggaling sa pagkaon sulod sa tiyan maong sayon ra ipagawas ang hugaw.

Makapahumot sa gininhawa ug di makapauga sa baba human makakaon og pagkaong isog og baho sama sa bombay, isda o ahos.

Katapusan, kining citrus makatabang pagpabuak og ginagmay sa batobato sulod sa kidney. Pina-agi ini ang ihi di na tantong ma acidic unya molahos na ang hugaw inig pangihi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph