SECTIONS
Superbalita Cebu
Wednesday, October 27, 2021
SUPERBALITA CEBU

12 ka tawo sikop sa CCPO, PDEA 7

police

Dose ka durugista ang nadakpan sa operasyon sa mga estasyon sa Cebu City Police Office (CCPO) ug Philippine Drug Enforcement Agency (PDEA) 7 sa Enero 28-29, 2021 sa Siyudad sa Sugbo.

Duha ang nadakpan sa Sawang Calero Police Station 6 sa dalan Carlock, Barangay Sawang Calero sa gabii sa Enero 28.

Si Police Major Eduard Sanchez, hepe sa Sawang Calero Police Station, niila sa mga nadakpan nga sila si Melchor Caña alyas Takla, 43, molupyo sa Sityo Trinidad sa Barangay Punta Primcesa; ug Eduvijes Rible, 42, molupyo sa Barangay Duljo Fatima.

Nasakmit ang 35 gramos nga shabu ug mokantidad og P238,000 subay sa Dangerous Drugs Board (DDB) value.

Usa ka pintor ang nadakpan sa Parian Police Station 1, pasado alas 12 a kaadlawon Enero 29. Ang pintor giila nga si Christopher Granzon, 42, ug molupyo sa Sityo San Miguel sa Barangay Lorega San Miguel.

Atol sa ronda sa Parian police, si Granzon nakuhaan og 10 gramos nga shabu nga mobalor sa P68,000.

Kapin sa oras ang milabay, ang mga operatiba sa Mabolo Police Station 4, gipangulohan ni Police Major Francis Renz Talosig, hepe sa estasyon, nironda duol sa IEC Convention Center.

Nasikop ang high value target nga si Johnrey Dacalos,32, uban ni Regine Rosasceña, 30, pulos taga Sityo Zapatera sa Barangay Luz.

Moabot sa 77 gramos nga gidaghanon sa shabu ang nasakmit gikan sa duha mga moabot sa kapin P500,000 ang kantidad.

Si Talosig mibutyag sa Superbalita Cebu nga si Dacalos maoy usa sa tinubdan sa shabu sa Luz human nga duha ka magtiayon ang nipiyait.

Unang nadakpan ang magtiayong Stephen ug Norlanie Sanchez, taga Sityo Zapatera sa Luz, ug ilang gitudlo si Dacalos nga ilang supplier sa druga.

Si Norlanie unang nadakpan sa alas 11 sa buntag Enero 28 ug nasakmit kaniya ang kapin sa P200,000 nga balor sa drugas,

Sunod nga gidakop si Stephen sa Barangay Carreta nga nakuhaan og balor P68,000 nga shabu.

Ang mga nadakpan nga drug personalities sa mga estasyon sa CCPO tipik sa gilusad nga Sychronized Anti Crime Law Enforcement Operation (Sacleo).

Udto sa Enero 29, ang mga ahente sa PDEA 7 nironda sa Sityo Plastikan, Barangay Duljo Fatima.

Lima ka mga tawo ang nadakpan nga naabtan sulod sa usa ka lawak sa balay nga gipanag-iya ni Eduardo Peligrino, 41, kinsa gitudlo nga nagmintinar sa drug den sa nahisgutang lugar.

Laing upat ka manggamitay ang wala kalusot sa mga ahente sa PDEA 7 nga nailhan nga sila si Judie Joson, 37, taga Barangay Calamb; Eugenio Yucot ,40; Richmond Guido, 31; ug Alwiniel Tinamisan, 40. / BBT


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!