Kaso sa Covid-19 sa Cagayan de Oro anaa na sa 3,314

ANAA na sa 3,314 ang kinatibuk-ang ihap sa mga kumpirmadong kaso coronavirus disease (Covid-19) sa Cagayan de Oro human nagpositbo sa Sars-CoV-2 ang pito ka mga residente sa dakbayan.

Sumala ni Acting City Health Officer Dr. Lorraine Nery, sa pito ka mga bag-ong mga kaso, upat ang mga close contacts sa mga pasyenteng nagpositibo sa coronavirus, duha ang mga lokal nga authorized persons outside residence (Apors), ug usa ang local index nga kaso.

Sa 3,314 nga kinatibuk-ang kaso sa Covid-19 sa syudad, 419 ang mga returning overseas Filipino workers/locally stranded individuals (ROFs/LSIs) ug 2,895 ang mga local transmissions.

Matud ni Nery, sa 2,895 nga mga local nga kaso, 185 ang mga persons deprived of liberty, 1,460 ang mga local index cases, ug 1,250 ang mga local cases with link.

Ang Cagayan de Oro naay 316 ka mga active cases, 103 niini na-admit sa Northern Mindanao Medical Center ug uban pang mga ospital sa syudad, 210 ang mga outpatients, ug tulo ang mga ROFs/LSIs.

Nakatala usab og 17 ka mga Covid-positive nga mga kaso nga karon naka-recover. Anaa na karon sa 2,831 ang ihap sa mga nakarekober nga mga kaso sa dakbayan.

Sa maong numero, 299 ang mga LSIs, 116 ang mga ROFs, ug 2,416 ang mga lokal nga kaso (community: 2,038; Apors: 378).

Ang ihap sa mga namatay sa Covid-19 sa syudad naa na sa 167.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph