Daclan: Sarah naa kaha karon sa ASAP?

MAGPAKITA kaha karong adlawa ang Sarah Geronimo sa “ASAP Natin ‘To”? Unsa kahay tinuod nga rason nganong wala si Sarah?

Kinsa man gyud ang tinuod nga kontra ni Mr. M? Si Laurenti Dyogi gyud kaha?

Sa miaging Dominggo na-ukay, nagubot, ug nahimong trending sa dihang nakita nato sa free TV pinaagi sa TV5 ang numero unong variety show matag Dominggo nga “ASAP Natin ‘To” isip hulip sa programa “Sunday Noontime Live” nilang Piolo Pascual, Maja Salvador, Catriona Gray, ug uban pa nga daling natsugi.

Nagkaguliyang ang tanan kay sa unang higayon nakita ang Kapamilya ug Kapatid nag-usa.

Malipayon ug excited kaayo ang mga followers sa Kapamilya nga nakita sila sa TV5, gani mga bonggang production numbers ang ilang gidalit niadtong Dominggo ug gipaila-ila pa ang bag-ong Kapamilya nga si Janine Gutierrez.

Daghan sab kaayong mga pangutana kon naa pa bay laing programa sa ABS-CBN nga mahimo unya natong makita sa Singko.

Gawas niini nanggawas sab ang mga tsikang may kahiubos karon si Mr. M sa usa sa mga boss sa Dos.

Nakuratan man gud ang ilang grupo sa dihang gipaundang ang ilang Sunday show, dakong surpresa para nila kay unom ka buwan man unta ang ilang kontrata.

Pero matod sab sa Singko ug sa producer niini nga dakong alkanse ang maong programa mao nga gitangtang kini.

Hangtod kanus-a sab kaha ang “ASAP Natin ‘To” sa Kapatid network? Unya kanus-a usab kaha nato makita ang Sarah Geronimo? Tinuod kaha nga magpa-misis na lang gyud kini kang Mateo Guidicelli? Ay’g Saba!

* * *

Giilogan karon sa duha ka gwapong leading man ang Bea Alonzo. Unsa kaha nga proyekto ang mauna og buhat?

Ang reunion movie ni Bea ug John Lloyd Cruz sa Star Cinema nga “No Goodbyes” ni direk Cathy Garcia-Molina o ang pelikulang unang panag-paresan nilang Bea ug Alden Richards gikan sa Viva Films ug GMA Picture nga “A Moment To Remember.”

Bisag asa siguro aning duha kon isalida na kini mag-una siguro kog linya. Maayo unta og abli na ang mga sinehan para makapahimutang ta og tan-aw.

Sa akong nahibaw-an si direk Nuel Naval ang mahimong direktor nilang Bea ug Alden, istorya kini sa magtiayon nga malipayon hangtod nga nausab ang dagan sa ilang kinabuhi sa dihang na sakit ang asawa og alzheimer’s.

Dramahan ang ipakita dinhi nilang Bea ug Alden ug siguradong magbaha ang atong mga luha.

Sama sa nahitabo sa pelikula ni Direk Naval nga “Miracle in Cell No. 7” ni Aga Mulach nga pwerting bakho sa mga nanan-aw.

Karon kinsa kahay mas gipaabot sa katawhan ang comeback movie nilang Bea ug John Lloyd o ang Bea ug Alden nga pelikula, atangi! Ay’g Saba!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph