ANG Supreme Court First Division ni-acquit kang Sibonga Mayor Lionel Bacaltos sa paglapas sa Anti-Graft and Corrupt Practices Act tungod sa pagdawat sa P17,512 Philhealth honorarium sa 2015.
Gibaliktad sab niini ug gipadaplin ang Mayo 17, 2019 nga hukom sa Sandiganbayan nga nakapa’g kang Bacaltos nga sad-an.
Ang hukom sa Korte Suprema giluwatan niadtong Hulyo 28, 2020, kansang kopya nadawat lang sa SunStar Cebu sa Enero 28, 2021.
Sa 2015 si Bacaltos mao ang mayor sa Sibonga, Cebu dihang si town councilor Mary Jojie Chan nipasaka sa reklamo batok kaniya sa Office of the Ombudsman Visayas tungod sa iyang pagdawat sa honorarium nga P17,512 gikan sa Capitation Fund sa Philippine Health Insurance Corp. (Philhealth) bisan kon di siya angay niini kay di siya non-health professional.
Sa Enero 12, 2018, ang Ombudsman niduso sa kaso ngadto sa Sandiganbayan, diin si Bacaltos napalgang sad-an sa kasong paglapas sa Section 3(e) sa Republic Act 3019 kun Anti-Graft and Corrupt Practices Act.
Si Bacaltos niapelar sa hukom sa Sandigan ngadto SC sa tulo ka mga sukaranan: ang Sandiganbayan way jurisdiction sa kaso, ang iyang katungod sa due process gilapas, ug nakadawat siya sa honorarium nga way dautang katuyoan ug way gross negligence.
Sa iyang hukom, ang SC First Division wa mouyon kang Bacaltos sa jurisdiction sa Sandigan jurisdiction ug sa paglapas sa due process.
Apan napalgan sa SC nga si Bacaltos “did not act with manifest partiality, evident bad faith, and or inexcusable negligence when he received the honorarium.”
Ang hukom gisuwat nila ni Associate Justice Amy Lazaro-Javier ug giuyonan nila ni Associate Justices Diosdado Peralta, Alfredo Benjamin Caguioa, Jose Reyes Jr. ug Mario Lopez. (MPS)