Roldan: Unsay tukmang bakuna?

BULAN na sa kasingkasing. Samtang ang mga Tukmo ug Punay nagtinuhikay og nagsalo sa katam-is sa gugma, naghulat ang madlang pipol sa bakuna batok sa Covid-19 nga gipasalig sa gobyerno.

Sa katapusang bahin sa 2020, atong nadunggan ang kontrobersiya kabahin sa mga sakop sa Presidential Security Group, politiko, iladong mga tawo ug mga Insik sa Binondo, Manila nga nagpatusok na sa bakuna.

Nahimo kining kontrobersiyal tungod kay wa pay gitugtan ang Food and Drugs Administration (FDA) nga bakuna nga magamit sa Pilipinas.

Apan imbis naghinamhinam na ang kadaghanan nga magpabakuna, naa na man hinuoy mga balita nga nangamatay human nabakunahan.

Ang katapusan sa istorya mao ang kaso sa dul-an 40 ka mga senior citizens sa Norway nga nangamatay pipila ka adlaw human sila nagpabakuna. Busa daghang nalibog kung magpabakuna ba sila o dili.

Adunay gipaambit si kanhi UP Prof. Cesar Torres, chair emeritus sa Worldwide Filipino Alliance (WFA) nga anaa na karon sa San Francisco, California, nga pagpadayag ni Dr. Richard Mata kung unsa nga bakuna ang haum kanato. Matud pa niya nga dunay duha ka klase sa bakuna: ang "Messenger RNA vaccine" ug ang "Non-replicating vaccine" nga gitawag sab og tradisyonal nga bakuna. Ang Messenger nga bakuna mao ang gihimo sa Pfizer ug Moderna, samtang ang Non-replicating kay ang Astra, Jansen, Sinovac, Sinopharm, Sputnik V, ug Novavax. Dunay kalainan silang duha.

Ang Non-replicating kay "fixed" o sakto ra ang gidaghanon sa protina nga isulod sa lawas ug dili na modaghan. Kung 100 ang protina sa botelya, 100 ra sab ang masulod sa lawas. Mao kini ang mokadlit nga maghimo og "anti-bodies" ang atong lawas nga normal nga mokontra sa bag-ong virus.

Sa laing bahin, ang Messenger nga bakuna kay mopadaghan niini ang protina inig sulod sa lawas kay mosugo sila nga mopadaghan aron sumpuon ang virus. Sa duha ka klase sa bakuna, ang Messenger maoy nagkinahanglan kaayo'g enerhiya sa lawas aron mabuntog ang virus. Matud pa ni Dr. Mata nga kadtong may allergy sa pagkaon sama sa itlog, pasayan, mani o tambal dili mogamit og Messenger vaccine kay hayan mosugo kini nga mopadaghan pag-ayo sa protina batok sa allergy nga dili mapugngan.

Mas dali hunungon ang pagbakuna sa Non-replicating vaccine kung dunay makita nga side effect kaysa Messenger. Hasta sab ang mga senior citizens ug kadtong may sakit nga mas maayo ang Non-replicating vaccine ang gamiton.

Nagkinahanglan og dakong enerhiya sa lawas kung maggamit og Messenger vaccine busa hayan mokusog ang pagpitik sa kasing-kasing, mokusog ang pag-agas sa dugo nga posibleng dili makaya sa mga edaran.

Sa mga himsog, batan-on ug way gibating sakit sa lawas, mas haum ang Messenger vaccine kay dali ra ang epekto niini. Dugang pa ni Dr. Mata nga ang tanang bakuna batok sa Covid-19 maayo man apan kinahanglang kahibalo kita kung unsay haum nato kay kita may nagdala sa atong lawas.

Belated Happy Birthday greetings diay kang Eleazar "Cesar" Hernani nga chairman sa Words Humanitarian Organization ug Armageddon Prime Construction and Development Corp. Andam ka na ba sa bakuna nga non-replicating?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph