NAHIBAWO na sila nga mibàlik og trabaho si Cebu City Mayor Edgardo Labella, apan way hunong gihapon ang intriga nga naglubog kini.
Klaro man nga naa nay mga pamahayag giluwatan si Labella sa media sa mga kalihukan sa siyudad.
Kon naglubog pa ug naglisud na sa iyang kahimtang si Labella, dili man hikawan sa pagpahibawo ang mga tawo sa iyang medical health bulletin update.
Attending physician kuno sa mayor ang mitabi sa iyang mga higala nga naglisud na si Labella.
Mao atong awhgon ang nabutahan sa kamatuoran nga gipahibawo naman sa mayor nga tungod sa ear infection ang iyang pag-leave sa miaging adlaw ug himsog siya.
Makita man sa hulagway ang mayor sa mantalaan ug FB page sa mainstream media. Ang uban mangita pa gyud ug video nga lang makita ang mayor nga naglakaw.
Ang mainstream media nagsulti sa kamatuoran. Daghang fake news sa social media.
Laktud pagkasulti, pabiling himsog ug piskay ang mayor. Kini maoy pait sa mga pulitiko patyon na sa ilang kontra bisan buhing dako.
ABAT SA BOLJOON
Akoy naluoy sa mga molupyo sa bukirang barangay sa lungsod sa Boljoon, Cebu.
Way klarong pahuway panahon sa kagabhion kay mikatap ang estorya nga dunay manoktok sa balay panahon sa gabii.
Kalas pa gayud sa kuryente kay di man pagngon ang suga tibuok gabii tungod sa kahadlok.
Dunay mihatag og kasayuran sa Agila nga sakop sa New Peoples Army (NPA) ang manuktok sa kabalayan.
Mipahibawo sab kanako ang uban sa pagduda nga abat o ungo ang nakahasol sa mga molopyo.
Sa wala pa mahitabo ang pagpanuktok sa gituhoang abat o NPA gipatay ang magtutudlo nga si Joy Mequizo.
Si Mequizo nakaplagang patay sud sa iyang payag nga dunay 16 ka tinigbasan sa iyang lawas ug wa pamailhi ang nagpatay.
(Email: efrenlonzon71@gmail.com / Text: 09235572777)