DEAD on the spot ang usa ka garbage collector human madisgrasya ang garbage truck nga ilang gisakyan alas 11 sa gabii niadtong Martes, Pedrero 2, 2021.
Nasayran nga nadiretso ang trak sa pangpang duol sa dumpsite sa Barangay New Carmen, Tugbok District, Davao City.
Ang panghitabo nakita sa usa ka residente hinungdan nga nangayo kining pakitabang sa ubang tawo ug sa barangay.
Sa maong hitabo, dali nga miresponde ang Urban Search and Rescue team sa Central 911 aron sa paghaw-as sa mga biktima sulod sa maong sakyanan, apan ang usa nabugtoan nang daan sa kinabuhi.
Ang kaubanan sa namatay, gidala sa ospital kinsa nakagawas na sab. (Jeepy P. Compio)