“A picture is worth a thousand words” kun sa English pa. Sa usa lang ka tan-aw daghan kang mahinumdoman nga usa-usang mamalik sa imong panumdoman. Sama niining mga larawan nga gikan sa akong personal nga koleksyon sa showbiz. Asa ug nag-unsa kaha mo ani panahon sa ilang kasikatan? Unsay inyong mahinumdoman? Nia ang atong Super Throwback Thursday sa Ssssuper Ka!
GIPAKITA ANG LEGS: Gipakita sa Kapuso actress Carla Abellana sa press ang mga bun-og sa iyang paa nga nakuha niya sa taping sa “Rosalinda,” ang Philippine adaptation sa Mexican drama nga unang gipasikat ni Thalia niadtong 1999 ug nagsilbing launching project ni Carla Abellana sa GMA niadtong 2009. / AC MARTIN
THROWBACK 2004: Si John Lloyd Cruz ug Bea Alonzo nibisita sa Sugbo atol sa promo tour sa ilang first solo movie project nga “Now That I Have You” sa Star Cinema nga nag-premiere niadtong Agusto 11, 2004. Kauban nila sa hulagway ang co-star nga si Nikki Valdez nga nidala nga bestfriend ni Bea sa maong romantic film. Nagbarug sa ilang luyo ang kanhi photo correspondent sa Superbalita nga si anhing Joseph Mariblanca. / AC MARTIN
ALJUR UG KRIS: Gipakilig nilang Aljur Abrenica ug Kris Bernal ang mga sakop sa press sa Sugbo dihang nihatag sila og sampol sa ilang intimate scene sa romantic comedy series nilang “Prinsesa ng Buhay Ko” nga nag-pilot episode sa GMA niadtong September 23, 2013. / AC MARTIN
FIRST DAY HIGH: Mga tulo ka buwan gikan nigawas sa Pinoy Big Brother house silang Kim Chiu ug Gerald Anderson, bida dayon sila sa labing una nilang pelikula sa Star Cinema, ang “First Day High” nga nag-premiere niadtong September 27, 2006, nga gibituonan usab nilang Maja Salvador, Geoff Eigenmann ug Jason Abalos. / JSP ADS AND PROMO
ENCANTADIA: Ang orihinal nga cast sa fantaseryeng “Encantadia” sa GMA atol sa trade show nila sa Manila diin lakip sa mga nitambong ang mga sakop sa entertainment press sa Sugbo ug Davao. Gikan sa wala: Karylle (Alena); Iza Calzado (Amihan); Sunshine Dizon (Pirena); Cindy Kurleto (Cassiopea); Diana Zubiri (Danaya) ug Jennylyn Mercado (Lira). Ang orihinal nga “Encantadia” nag-pilot episode niadtong Mayo 2, 2005. / AC MARTIN