SUPERBALITA CEBU

2 ka siyudad naka-half mast

SERYU­SONG KUKA­BILDO: Sila si Mayor Edgardo Labella (wala) sa Dakbayan sa Sugbo ug kanhi senador Sonny Osmeña ang seryusong nagkukabildo atol sa usa ka kanhi okasyon nga gitambongan sa managhigalang pulitiko sa Sugbo. / Facebook page ni Mayor Edgardo Labella

MGA bandila sa city hall sa mga dakbayan sa Sugbo ug Toledo ang naka-half mast sa pagyukbo ug pagbangotan sa kamatayon ni kanhi senador Sonny Osmeña niadtong Martes sa hapon, Pebrero 3, 2021.

Gideklara ni Mayor Edgardo Labella ang tibuok Cebu City sa pagbangotan gumikan sa pagtaliwan ni Sonny nga iyang gihulagway nga dako og natabang sa paglambo sa Dakbayan sa Sugbo.

“In honor of his many contributions, which included authoring the law that created the Department of Energy, Electric Power Crisis Act, and Build-to-Operate Act, I am declaring a citywide period of mourning for the former senator from Feb. 3-5, 2021,” matod ni Labella sa Facebook post.

“My heartfelt condolences go out to his family. You will be remembered, Sonny!,” dason sa post ni Labella.

Si John Henry o mas naila nga Sonny nakahibalo nga aduna siyay stage 2 cancer niadtong Hulyo 2019.

Human niadto, nagpatambal kaduha didto sa Singapore.

Nibalik og luya ang iyang panglawas dihang natakboyan sa Covid-19 niadtong Hunyo 2020 diin nalandig siya sa ospital.

Si Sonny unang nisulod sa pulitika isip konsehal sa dakbayan sa Sugbo sa 1963, bise mayor sa samang dakbayan sa 1968, kongresista sa ikaduhang distrito sa 1969, nipili nga senador sa 1971 hangtod sa 2004 ug two-term mayor sa Toledo gikan sa 2013 hangtod sa 2019.

Ginganlan usab siya nga Lone Ranger tungod sa iyang kaisog sa pagbalik og serbisyo sa katawhan human nga nahimong exile sa Estados Unidos atol sa pag deklara og Martial law sa administrasyon ni Presidente Ferdinand Marcos.

Usa sab siya sa 10 ka mga indibidwal nga gipasidunggan niadtong 1970 tungod sa halangdon nga serbisyo sa publiko.

Sa senador pa siya sa panahon ni Presidente Joseph Estrada ug chairman siya sa Senate committee on finance, iyang gibabagan ang paghatag og ayuda sa Cebu City alang sa pagkuha og loan alang sa South Reclamation Project. “Pagpuasa mo!” maoy iyang pulong ngadto sa mga opisyal sa Cebu City. Nasuko si Sonny nga napildi si Estrada sa Cebu sa piniliay niadtong 1998, apil napud siya.

Nalakip sa mga gitampo ni Osmeña mao ang pagpasar og mga balaudnon sama nalang sa pag umol sa Department of Energy, Municipal Telephone Act o ang Republic Act 6849, Electric Power Crisis Act o ang (RA 7648) ug uban pa.

Sa Sugbo pipila usab ang mipadangat sa ilang mga pahasubo sama ni Bise Gobernador Hilario Davide III, Toledo City Mayor Marjorie Perales, Bokal Tata Corominas, mga sakop sa Ubos-Balay Balauranan ug uban pa.

Si Perales unang nipadayag sa iyang pahasubo sa social media.

“Words are not enough to thank you Senator John Henry Osmeña for reshaping Toledo City and tossing it to success. Tinuod gyud nga pinangga kami sa kahitas-an kay sa wala damha gitagaan kami ug Amahan nga sama kanimo. Look at Toledo City now! Among dakong garbo ug pasidungog kanimo ang tanan nga kalampusan..” tipik sa post ni Perales.

Si Sonny apo ni kanhi Presidente Sergio Osmeña, igsuon ni kanhi Gobernador Emilio Osmeña ug ig-agaw ni kanhi Cebu City mayor Tomas Osmeña. (BBT, ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!