“I’m going to tell them,” mubo nga pamahayag ni Mayor Edgardo Labella sa SunStar Cebu bahin sa pagkuwestiyon ni Bise Mayor Michael Rama sa kondisyon sa iyang panglawas.
Si Rama, nipahigayon og press conference kagahapon, Pebrero 7, nipalanog sa iyang awhag kag Labella nga isulti ang tinuod niini nga sitwasyon.
"Mahinungdanon lang karon nga mosulti lang si Mayor Labella sa tinuod gyud niyang kahimtang nga may labot sa iyang kahimsug para dili ta maglibog,” sigon ni Rama.
“Unsa man gyud ang pagkabutang sa atong mayor?” pangutana ni Rama.
Mahinumduman nga nag-leave og duha ka adlaw sa iyang trabaho si Labella niadtong Enero 20 aron magpatambal sa iyang ear infection.
Pagkagawas niya sa tambalanan, nag-work from home na si Labella sugod niadtong Enero 25.
Sa sitwasyon sa coronavirus disease 2019 (Covid-19) sa dakbayan karon, si Rama niingon nga maayo og si Labella ang mag-handle sa sitwasyon.
Gipangutana sa mga tigbalita kon unsa iyang nahibaw-an sa sitwasyon sa panglawas sa mayor, apan sigon ni Rama “lisod gyud kaayo og ako’y moingon sa akong nahibaw-an.”
“Di mahimo nga di maklaro,” said Rama.
“Kamo, mga media man mo, pirme man mo moadto didto. How many days ago nianha ang mayor? Usa ka buwan? Usa ka semana? Duha ka semana? Pila na ka semana wa mo-report ang mayor?” pangutana ni Rama.
Matod ni Rama, sa nagkataas nga kaso sa Covid-19 sa dakbayan, nanginahanglan ang dakbayan og “visible and active leader” nga magdumala sa dakbayan.
“With Covid-19 case back on the rise, it has become more compelling that we, as a team, get our acts together, but the city needs to have an active leader to steer us in the bigger challenges up ahead,” pahayag ni Rama.
Si Labella miingon nga iyang i-appoint si Rama nga mag-oversee sa Covid-19 response sa dakbayan uban sa Emergency Operations Center (EOC).
Sumala ni Labella nga iyaha nga iapil sa tanang proseso si Rama.
Gipangutana ang duha ka mga tag-as nga lider sa dakbayan labot sa ilang relasyon, matod sa duha “intimate” kini.
Ang ingon ni Rama ug Labella nga aduna silay constant nga komunikasyon.
Gipangutana usab sila kon aduna bay posibilidad nga magkakontra sila sa 2022 nga eleksyon, apan alang ni Labella, wala siya makakita nga magkakontra silang duha.
Ang isyu ni Labella ug Rama nagsugod sa dihang nagduso si oposisyon Councilor Alvin Dizon og resolusyon nga nag-request sa executive department nga himuong Covid-19 czar si Rama.
Ang maong resolusyon kay gi-withdraw ra sad.
Kahinumdoman, si Rama unang nipadayag sa iyang pagkuwestiyon sa kahimtang ni Labella atol mismo sa regular session sa konseho niadtong Biyernes, Pebrero 5.
Matod ni Rama, ang mayor gikinahanglan sa pagsulbad sa kasamtangang pagtaas sa kaso sa Covid-19 sa dsakbayan.
Gikutlo niya ang pamahayag ni Melquiades Feliciano, national Inter-Agency Task Force for Covid-19 implementer, nga nagsulti kanila nga dunay problema sa staff sa Emergency Operations Center (EOC) sa dakbayan.
Matod ni Rama, nasagmuyo siya nga hapit na unta mahingpit ang pakigbatok sa Covid-19 sa dakbayan apan kalit kang nisulbong og balik ang kaso.
"Something wrong.." dason ni Rama.