Malampuson ang grand launching sa bag-o ug pinakabonggang Philippines Socialite Magazine nga nag-feature sa mga pinakasikat nga personalidad karon sa Pilipinas sama nilang Davao City Mayor Sara Duterte, Senador Bong Go ug Manila City Mayor Isko Moreno.
Ang grand launching gipahigayon niadtong Enero 31 sa 5,000-hectare private property lot ni Senyorito Michel Lhuillier sa lungsod sa Carmen nga gitawag og “Switzerland of Cebu” tungod sa grabe katugnaw sa maong lugar.
“Usa gyud ni sa akong mga damgo nga makahimo og akong kaugalingong magazine. When I was interviewed for a lifestyle magazine in Manila last year I met some talented editors and writers nga maoy nitabang nako to make this dream a reality,” asoy ni Ms. Aida Patana nga maoy tag-iya sa Socialite Magazine.
“Ang original plan nga once every three months ra ang publication. But grabe man ang support sa akong friends dili lang sa showbiz but even in politics and business world. Imagine, 5,000 copies sa among first issue sold-out! Mao nang every month na mi magpagawas.”
Ang gi-feature sa ilang first issue naglakip nilang Senador Manny Pacquiao, Cary Santiago, Atty. Regal Oliva ug uban pang mga sikat nga celebrity.
Ang cover feature sa ilang second issue nga mogawas karong katapusan sa Pebrero mao ang “Pawnshop King” nga si Michel Lhuillier nga maoy business mentor ni Patana sud na sa 13 katuig.
Lakip usab sa mabasa sa ilang second issue ang inspiring stories nilang Mayor Sara Duterte, Senador Bong Go, Talisay City Mayor Samsam Gullas ug Mandaue City First Lady Sarah Cortes.
Ang ilang editorial staff puros nagbase sa Manila ug ang printing didto sad tanan ang proseso. Ang magazine mapalit sa P250 diin ang P50 niini mapunta sa charity.
“I never expected nga ingon ani ka overwhelming ang akong makuhang support. God is really good,” pung pa ni Patana nga gikatakdang mo-represent sa Pilipinas sa umaabot nga Mrs. Tourism Ambassador Universe 2021 sa Malaysia.