Kapulisan sa Central Visayas nakatala og 69 ka mga bag-ong kaso sa coronavirus disease 2019 sa hut-ong sa kapulisan, 67 naa sa isolation center samtang ang duha na landig sa tambalanan human nakasinati og kalisod sa pag ginhawa.
Sa data sa Police Regional Office 7 Covid 19 Monitoring Center nga ang duha nga positibo nalandig sa tambalanan sa kay naglisod sa pag ginhawa.
Hugot nga gimonitor sa Regional Health Service 7 ang mga pulis, sama sa paghatag kanila og mga bitamina ug makahimsog nga mga pagkaon.
Matod ni Police Brigadier General Ronie Montejo, hepe sa kapulisan sa Central Visayas, nga iyang gimandoan ang tanan nga sundon ang minimum health standard samtang wa pa maabot ang Covid vaccine.
“Health is the greatest wealth. Mag-amping inubanan sa pag-ampo kanunay aron mahilikay kita sa sakit sama aning Covid-19. Magbinantayon kitang tanan,” matod ni Montejo.
Sa Siyudad sa Sugbo, moabot usab sa 12 ang natakdan sa virus apan ang duha naka recover na ug gitakda na nga makagawas sa usa ka recovery facility. (AYB)