SUPERBALITA CEBU

Lonzon: Si Labella angay nga mahiubos ni Rama

Mata sa agila

Gipalanog man gud ni Cebu City Besi Mayor Mike Rama ang iyang kahiubos ni Cebu City Mayor Edgardo Labella

Atol sa press Conference, gipahibawo ni Rama nga nalain siya sa pamahayag ni Labella nga namulitika.

Para nako si Labella, ang angay mahiubos ngadto ni Rama kay maoy dunay problema sa panglawas. Nahibawo naman si Rama nga si Labella gikan nakagawas sa ospital tungod sa ear infection.

Gani nag work from home man ang mayor ug wa maapektuhi niini ang gimbuhaton isip amahan sa Siyudad.

Mora man hinuon og gusto ni Rama nga motiurok og sayo si Labella aron maoy mahimong acting mayor?

Sa tuig 2020, panagsa Raman sab mopakita si Rama sa iyang opisina tungod sa kahadlok sa Covid-19.

Angay unta mosabot si Rama sa sitwasyon karon ni Labella. Naa pa intawon si Covid 19 ug nagsaka ang kaso sa mga positibo sa dakbayan.

Kon imong sabton ang pamahayag ni Labella nga namulitika si Rama, di kini angay nga ikasuko sa bise mayor.

Di ba klaro man nga mihinay hinay na og bokal ang kaldero sa pulitika? Ug gipahibawo man sab ni Rama nga way makabuot kaniya kon modagan sa pagka mayor.

PULITIKA SA BOLJOON

Samdan sa tiil ug naospital si Manny Derama, pilderong midagan sa pagka mayor sa lungsod sa Boljoon.

Gikapinusilay ni Manny didto sa sementeryo ang iyang ig-agaw nga drayber sa motorcycle nga si Gabi Derama.

Kini gud si Manny init og ulo matud pa sa nadawat nga report sa “Agila”. Naglalis ug ang iyang ig-agaw sa usa ka lugar ug nagsabot nga mag-abot sa sementeryo nga mag pinusilay.

Ang nahitabo ang gipagawas ni Manny nga estorya nga giambusan siya. Pila ra man untay pagsulti nga mas hinigo ang iyang kontra kay batan-on pa.

Matud pa ang gilalisan kabahin sa gi-pang post sa pag-umangkon ni Manny nga si Labyok Pasco nga nag sigi og pana-ot ni Mayor Merlou Derama

Si Manny, Labyok ug ang anak niini nga si Desidido maoy gasigi og paggawas ug peking mga balita nga bati ang gobyerno ni Mayor Merlou. (Email: efrenlonzon71)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph