Pilot ‘mipatay’ kang Kobe

Nasuta sa imbestigasyon sa National Transportation Safety Board nga sala sa piloto nganong nahagsa ang helicopter nga gisakyan ni NBA legend Kobe Bryant ug nipatay sa laing 8 ka sakay sa niaging tuig human sa makuting pakisusi.

Matod pa sa imbestigasyon nga pilot error ang hinungdan sa pagkahagsa gumikan sa ‘poor decision sa piloto nga si Ara Zobayan niadtong Enero 26, 2020 human mahagsa ang ilang gisakyan didto sa Southern California human nirumbo ang helicopter sa bagang panganod.

Si Zobayan usa ka beterano nga piloto, nipakawaybili sa ilang traning, ni-violate sa flight rules ug nilupad bisan dili na makita ang palibot ug napakyas paghimo og alternatibo nga paagi sama sa paghinay sa lupad, pagtugpa o pagbalhin ngadto sa auto-pilot nga posible untang hinungdan sa paglikay sa disgrasya.

Ang NTSB niingon nga si Zobayan na-pressure sa paghatod kang Bryant, iyang anak ug laing mga sakay gumikan sa basketball tournament didto sa Mamba Sports Academy.

“The closer you get to the destination the more you think just maybe you can pull this off,” matod ni NTSB Vice Chairman Bruce Landsberg.

Ang ahensiya nianunsyo sa dugay nang gipaabot nga findings atol sa upat ka oras nga hearing aron pag-ila sa hinungdan sa disgraSya diin 40 minutos nga nag-lupad ang helicopter sa wala pa nahagsa.

Ang kamatayon ni Bryant gikasubo sa kalibotan sa basketball nga niresulta sa pagsang-at og mga kaso ug nakaaghat sa estado pagmugna og mga balaod aron malikayan ang susama nga trahedya.

Gipakasala usab sa NTSB ang Island Express Helicopters Inc nga maoy operator sa maong aircraft gumikan sa ilang kakuwangan nga masusi ang kaluwasan sa paglupad. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph