ABSENT si Cebu City Mayor Edgardo Labella sa City Hall sukad sa iyang leave of absence niadtong Enero 20. Apan nagtrabaho siya sa ilang balay sugod niadtong Enero 25 subay sa sugo sa iyang doktor nga maglikay siya sa daghang tawo. Gusto ni Bise Mayor Mike Rama nga itug-an sa mayor sa katawhan ang tinuod nga kahimtang sa iyang panglawas.
Matod pa niya, “I would like to address the mayor now wherever he is. Mayor Edgardo Colina Labella, please lend me your ears. Lend me your ears. I want to be emphatic to you. I am not after your position, I am not. I can wait. I can wait, but we need to do something. Please, if you think you cannot be back to City Hall, you know what to do.”
Di maayong paminawon kay sa pag-ingon ni Rama ngadto ni Labella nga “lend me your ears,” paminawa ko, ear infection ra ba ang hinungdan nga ni-absent ug nahospital ang mayor.
Gusto ni Rama nga si Labella motunga sa iyang opisina sa City Hall, “body and soul,” isip usa ka “visible and active leader” nga maoy mangulo sa pagkigbatok sa Covid-19 pandemic ilabi na nga nisaka pagbalik ang mga kaso sa Covid-19 dinhi sa syudad.
Apan mao kini ang tubag ni Mayor Labella, “Although I have been forced to stay at home by my doctor, I have been more productive than ever. It saddens me to hear statements from Vice Mayor Mike Rama, whom I consider a dear friend, that puts down our collective effort in dealing with the pandemic.”
Ang isyu mao nga dunay bay obligasyon ang mayor sa pagtug-an sa lungsod sa tinuod nga kahimtang sa iyang panglawas? Si Labella nibutyag na nga ear infection ang iyang balatian. Duna bay nasayran nga laing balatian si Rama nga wa nato masayri ug wa itug-an ni Labella?
Ang Batakang Balaod nagmando sa pagpahibawo sa publiko kon dunay grabeng sakit ang presidente. Ang Section 12, Article VII (Executive Department), 1987 Constitution, nag-ingon, “In case of serious illness of the President, the public shall be informed of the state of his health.”
Apan way susamang probisyon niini sa Republic Act (RA) No. 7160, ang Local Government Code of the Philippines. Ang Section 44 niini igo lang nag-ingon unsay mahitabo kon adunay permanent vacancy sa opisina sa gobernador, bise gobernador, mayor ug bise mayor. Kini nag-ingon, “If a permanent vacancy occurs in the office of the governor or mayor, the vice governor or vice mayor concerned shall become the governor or mayor.”
Si Rama niingon nga wa siya mag-apas sa posisyon sa mayor ug makahuwat siya. Tingali duna siya’y nasayran nga di niya ikasulti. Matod niya, “Lisod gyud kaayo og ako’y moingon sa akong nahibaw-an.” Apan matod niya di mahimo nga di ni maklaro.
Kon di moingon si Rama, si Labella ray makasulti niini. Makahuwat man kaha si Rama, matod pa niya. Maghuwat na lang ta. (edbarrita@gmail.com)