SUPERBALITA DAVAO

Genoguin: Online marriage angayan ba?

Kontra Balanse

DAGHAN mga uso karong panahona tungod niining Covid-19 pandemic, una, online sales, online sabong, online booking, online booking passport, online boy friend ug karong bag-o online wedding na pod daw.

Nag-istorya na man gyud tag-online, kadaghan nako nabiktima niini, kanang mga produkto nga ilang i-advertize sa social media madani gyud ka. Ang imong sakyanan nga nasaghiran ug grabeng nagarasan, nusnosan lang daw nimo sa gi-advertize nilang produkto...ahhh isa ka minuto lang sinaw na daw?

Pero pag-abot sa akong order mga tulo ka semana pagtesting nako, wa gyud intawoy epekto. Daghan pa, pangpawala daw sa imong mga kunot sa kamot, liog ug agtang, pero ang tanan way epekto puro tinunto ug binuang, wa ka gyuy dag-anan kay gibayran naman nimo una kini i-deliver.

Gumikan niining pandemic, hastang manguyab online na tungod sa protocol nga social distancing hangtud miabot na sa punto nga human nimo mauyab sa online, mosangko namo sa online wedding. Sa laing pagkasulti, long distance sa pagpanguyab ug long distance sad sa pagpakasal. Mahinumdom na nuon ko sa mga kinaraan nga pagya nga "Buno tagsa kilometro".

Balik ta sa seremonyas sa kasal, ang kasal constitutional anaa sa atong Batakang Balaod ug bag-o ka magpakasal daghang mga rekisitos ang gikinahanglan. Una, magparehistro ka sa lokal nga Civil Registrar ug dili kalikayan nga magkita gyud sa imong pangasaw-unon? Ngano man, mopirma man mo sa inyong marriage contract?

Karon sa adlaw sa inyong kasal, mopirma pod diha ang inyong mga ninong ug ninang sa marriage license. Pero matud pa nila, puwede man daw kuno sa electronics ang mga ninong ug ninang mopirma?

Karon ang mag-solemnized sa inyong kasal, pari man o pastor ug ministro pinaagi ba pod sa electronics or online?

Pero dili mo angay mabalaka kay ang Excecutive Order Number 209 nga mas nailhan nga Family Code of the Philippines in 1987, Article 28 nagkanayon, "If the residence of either party is so located that there is no means of transportation to enable such party to personally before the local civil registrar, the marriage may be SOLEMNIZED WITHOUT THE NECESSITY OF A MARRIAGE LICENSE."

Sa ato pa, kon puwede nga makasal nga walay marriage license, mas importante pa ba ang hinuon ang pirma sa mga ninong ug ninang? Nalatid sa ARTICLE 34, "No license shall be necessary for the marriage of a man and a woman who have lived together as husband and wife for at least (5) years and without any legal impediment to marry each other."

Kini maoy giingon sa panultihon nga "In every rules there is an excemption."

Online marriage, angayan ba karong panahona? Puwede, bisa'g way mga pirma-pirma sa mga tawo nga nag-sponsor gumikan sa social distancing? Pero dunay dakong pangutana dinhi, human sa online wedding unsa may sunod buhaton sa bag-ong magtiayon labi na inigkaabot na sa gabii? Puwede ba na og online lang gihapon ug social distancing? Matud pa's panultihon, wa effect gihapon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph