Sotto posibleng wa na'y balikand

■ NBA G LEAGUE: Nangandam na si Kai Sotto nga mobalik sa Amerika aron tiwason ang iyang obligasyon sa Team Ignite sa NBA G League apan gikahadlukan nga posibleng wala na siya’y balikan. /Dailyguardian.com.ph
■ NBA G LEAGUE: Nangandam na si Kai Sotto nga mobalik sa Amerika aron tiwason ang iyang obligasyon sa Team Ignite sa NBA G League apan gikahadlukan nga posibleng wala na siya’y balikan. /Dailyguardian.com.ph

GITAKDA nang mobalik ang higanteng batan-ong Pinoy nga si Kai Sotto sa Amerika aron tiwason ang iyang obligasyon sa Team Ignite sa National Basketball Association (NBA) G League.

Apan ang pangutana, aduna pa ba kaha siya’y balikan?

Si Sotto nananghid sa Team Ignite nga mobiya una sa G League aron moduwa sa Gilas Pilipinas alang unta sa ikatulo ug katapusang hugna sa FIBA Asia Cup qualifiers sa Doha, Qatar.

Apan nakanselar ang kombati sa Doha tungod sa nagkagrabe nga kaso sa Covid-19 sa maong dapit hinungdan nga nakadesisyon si Sotto nga mobalik sa Amerika.

Matod ni Samahang Basketbol ng Pilipinas (SBP) Director for Operations Butch Antonio nga ilaha na nga gilihok ang mga dokumento alang sa pagbalik ni Sotto sa Amerika.

“Well right now the plan is to have him go back. We’re trying to make things [work out] kasi nag-pull out na siya sa bubble,” asoy ni Antonio sa interbyu sa Radyo 5.

“He has to continue his quarantine sa kanyang residence. We’re working with him and his group in the US to make sure that there is time for him to join his team at makasali rin siya sa team sa G League na Ignite. Hopefully by next week, maayos na ‘yun.”

Apan sa laing interbyu, nagkanayon si Team Ignite coach Brian Shaw nga dili siya makahatag og kaseguroan kon mabalik pa ba og duwa ang 7’3” nga batan-on sa G League.

Ang Team Ignite nakasugod na sa ilang kampanya sa NBA G League sa bubble sa Walt Disney World Complex sa Orlando, Florida.

Miabot sa 16 ka teams ang nagkombati sa kompetisyon kansang mga magduduwa pulos nanghinaot nga makasulod sa NBA sa ugma damlag.

Gipasabot ni Shaw nga dili siya ang modesisyon kon pabalikon pa ba ang 18 anyos nga si Sotto sa G League.

“That will be something that will be determined by the people that are above my pay grade,” pasabot ni Shaw.

Sa sayo pa, daan nang miingon si Shaw nga ang G League mas maayo alang kang Sotto kumpara sa FIBA Asia Cup qualifiers.

Ang Team Ignite kasamtangang nag-una sa G League diin wala kini pilde sulod sa tulo ka mga duwa.

“Right now, I’m just concerned about the guys that are here and coaching them,” dugang ni Shaw.

“We’ll see what happens when we get to that point.” (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph