NINDOT unta ning rekomendasyon sa Inter-Agency Task Force (IATF) nga mitugot na sa mga sinehan nga makabalik na sa ilang operasyon sa mga lugar nga naa ubos sa modified GCQ.
Ang effectivity niini gahapon, Pebrero 15. Ambot kon nadayon ba kay daghan man sa mga mayor sa Metro Manila ang nisupak sa kahadlok nga basin kuno mograbe na hinuon ang kaso sa Covid-19.
Kon mag-abli og balik ang mga sinehan sa Manila nan way rason nganong dili sad mag-abli dinhi sa Sugbo.
Wa man tingali dautan ba basta mosunod lang gyud gihapon sa mga protocol, sama sa 50% lang ang kapasidad, dunay social distancing sa mga lingkoranan, ug magsul-ob gihapon og face mask ug face shield sa sulod sa mga sinehan.