NAKA-STANDBY na 24-oras ang Public Safety & Security Command Center (PSSCC) uban sa Davao City Central 911 sa posibleng kusog nga hangin ug pag-ulan nga dala sa tropical depression ‘Auring’ nga nakasulod na sa Philippine Area of Responsibility (PAR).
Sa gipagula nga tropical cyclone advisory number 1 Mityerkules sa udto, Pebrero 17, 2021, namat-an ang daut nga kahimtang sa panahon nga modala sa pag-ulan hangtud sa adlaw nga Dominggo, Pebrero 21 ngari sa Davao Region.
Alas 2 sa kaadlawon, namat-an ang daut sa panahon nga pasulod sa PAR diin pipila ka oras kagahapon gitawag na kini og Bagyong Auring, ang unang bagyo nga mohapak sa nasud karong tuiga.
Subay sa forecast track, molihok ang tropical depression westward to westnorthward sa Philippine Sea, east of Mindanao.
Base sa forecast, mag-landfall kini sa Caraga-Davao Region karong Sabado o Dominggo isip tropical storm.
Ang Davao City posibleng makasinati og kusog sab nga mga pag-ulan, busa ang mga hintungdang ahensiya dinhi, andam na sa pag-rescue sa posibleng mga maipit sa kalamidad.
Biyernes, Pebrero 18, ang bagyo anaa sa 750 kilometers (km) East of Davao City; sa Biyernes anaa sa 550 km East of Davao City Sabado sa buntag anaa sa 255 km East Southeast of Hinatuan, Surigao del Sur; adlaw'ng Dominggo anaa sa Jabonga, Agusan del Norte sa Lunes anaa sa 75 km West Southwest of Iloilo City. (Jeepy P. Compio)