Si Kongresista Vincent Franco “Duke” Frasco mopasiugda og pagsakay sa panaghigalaay nga gitawag og #TeamFrasco Friendship Ride alang sa tanang magbiseklita sa Sugbo karong Pebrero 27, 2021.
Kini dungan nga sugdan gikan sa Titay’s Liloan Bus Stop ug sa Bingay Gym sa Borbon subay sa matahom nga ruta sa ikalimang distrito sa Lalawigan sa Sugbo ug mag-abot sa Lungsod sa Carmen dayon dungan nga maghuman sa maanindot nga suroyanan sa Cebu Safari and Adventure Park, usa sa mga kaabag sa kalihukan.
Laing mga kaabag mao ang kagamhanan sa mga Lungsod sa Carmen, Liloan ug Borbon, Titay’s, Frasco Premium Water, SunStar, Y101 Cebu, Motor Ace Philippines, Inc., Smart Communications, Inc. ug Coca-Cola Beverages Philippines, Inc.
Isip usa ka madasigon nga magdudula, kinsa malampuson sa daghang dagkong mga lumba sa marathons ug triathlons dinhi ug sa laing nasod, gitan-aw ni Kongresman Duke ang paugnat sa kusog nga nga makahatag og kinatibuk-ang kaayohan sa katawhan samtang gipalambo ang lokal nga turismo ug pagsuporta sa lokal nga pamatigayon ug tingusbawan.
Tuyo sab ni Frasco nga mapakaylap sa tibuok distrito ang himsog nga estilo sa kinabuhi, disiplina sa kaugalingon ug kahiusahan.
“It’s an opportunity to make positive impact in the midst of this pandemic by helping our constituents keep their physical and mental heath,” matod ni Frasco.
Isip pagtuman sa kasamtangang health and safety protocols on Covid-19, ang mga mosalmot kinahanglang magsul-ob og masks ug mi-fillup sa health declaration forms sa dili pa ang lumba.
Adunay registration fee nga P100 diin ang usa ka sumasalmot makadawat og event shirt, post-ride snacks, freebies ug raffle.
Ang moapil makaangkon sab og a 50% nga diskwento sa regular ticket alang sa usa ka adlaw nga pagsuroy sa park apil ang pamilya sa siklista nga mokuyog atol sa maong adlaw.
Ang registration booths anaa nahimutang sa 7-Eleven atbang sa Liloan Municipal Hall, Plaza Food House & Balwarte ni Vossing sa Carmen ug sa Cong. Frasco Borbon Satellite Office sa Borbon. Nagsugod na kagahapon ang rehistrasyon ug mahuman karong Pebrero 24, 2021. (PR)