PADAYON ang pag-ubos sa ihap sa mga bag-ong kaso sa coronavirus disease-2019 (Covid-19) human unom ra ka mga kaso ang natala sa Cagayan de Oro.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,716.
Sumala ni Acting City Health Officer Dr. Lorraine Nery, sa unom ka mga bag-ong lokal nga mga kaso, tulo ang mga close contacts sa mga pasyenteng nagpositibo sa coronavirus, duha ang mga local authorized persons outside residence (Apors), ug usa ang local index nga kaso.
Sa 3,716 nga kinatibuk-ang kaso sa Covid-19 sa syudad, 422 ang mga returning overseas Filipino workers/locally stranded individuals (ROFs/LSIs) ug 3,294 ang mga local transmissions.
Matud ni Nery, sa 3,294 nga mga local nga kaso, 186 ang mga persons deprived of liberty (PDLs), 1,736 ang mga local index cases, ug 1,370 ang mga local cases with link.
Ang Cagayan de Oro adunay 307 ka mga active cases, 48 niini na-admit sa Northern Mindanao Medical Center ug uban pang mga ospital sa syudad ug 259 ang mga outpatients.
Nakatala usab og 28 ka mga Covid-positive nga mga kaso nga karon naka-recover. Anaa na karon sa 3,231 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 2,810 ang mga lokal nga kaso (community: 2,376; Apors: 434).
Ang ihap sa mga namatay sa Covid-19 sa syudad naa sa 178.