LAING opisyal sa Archdiocese sa Sugbo naospital human nagpositibo sa Covid-19 sa Sabado, Pebrero 20, 2021.
Si retired Cebu Auxiliary Bishop Antonio Rañola gidala sa Perpetual Succour Hospital in Cebu City sa Pebrero 19 human makasinati og kaluya ug giubo.
Usa ka adlaw human siya madala sa ospital, usa ka swab test gipahigayon ni Rañola ug nagpositibo siya, matod ni Msgr. Joseph Tan, opisyal nga tigpamaba sa Archdiocese sa Sugbo.
Gipaneguro ni Tan nga si Rañola naa sa stable condition ug nakasinati lang og mild symptoms sa coronavirus disease (Covid-19).
Usa ka adlaw sa wa pa magpositibo si Rañola, si Cebu Archbishop Jose Palma nagpositibo usab sa Covid-19.
Si Rañola, 88, usa sa mga gi-contact trace sa Archbishop’s residence human siya Palma nagpositibo sa sakit.
Matod ni Tan nga sa Sabado, stable ang kondisyon ni Palma apan nagpabilin nga dunay gamay nga kaluya ug pag-ubo.
Mga staff usab ni Palma nag-isolate samtang naghuwat sa mga resulta sa swab test.
Matod ni Tan nga 17 sa mga close-in-staff ni Palma dunay contact kaniya sa wa pa siya mapalging positibo. (JKV)