Ang hugot nga relasyon ug kooperasyon tali sa local government unit (LGU) ug sa subdivisions maoy usa sa mga katuyoan aron makab-ot ang kalamboan a lungsod.
Kini maoy unod sa mensahe nga gipadungog ni Minglanilla Councilor Rajiv Enad atol sa oath-taking ceremony sa mga bag-ong napiling opisyales ug board of directors sa Deca Phase 1 Homeowners Association sa Barangay Tungkil sa maong lungsod.
“It was my pleasure to attend the Induction of Officers and Board of Directors of the Home Owner’s Association of Deca Homes Phase 1 in Barangay Tungkil as their Key Note Speaker together with Vice Mayor Loben Geonzon who conducted the oath-taking,” padayag ni Enad sa iyang Facebook account.
“It was good to be able to talk to the newly elected officers and BOD, sharing with them our current situation and plans and assuring them of our goal of mutual cooperation and stronger relations with our subdivisions,” dugang sa iyang post.
Ang oath-taking gipahigayon sa Circa La Playa sa Barangay Tungkil niadtong Sabado, Pebrero 20, 2021 sa alas 5 sa hapon.
Pasabot sa batan-ong konsehal nga ang ilang pagserbisyo way gipili ug wa moila og kolor sa pulitika. Ubos sa ilang pamunoan, ilang gipatigbabaw ang tinud-anay nga serbisyo sa tibuok Minglanillahanon.
“I believe a difference of political affiliation should not be a hindrance for good working relations. Being a Public Servant should be the priority,” dugang ni Enad.
Ang Minglanilla maoy usa sa pipila lang ka mga lungsod sa Sugbo ang nakahatag og tagsa ka sakong bugas ug mga linatang sardinas ug uban pa ngadto sa tanang mga residente sa dihang gipahamtang ang lockdown sa tibuok probinsiya sa Sugbo.
Migintang lang og pipila ka buwan, midugang na usab kini og laing tunga sa sakong bugas.
Sa kasamtangan, hugot usab nga giimplementar sa maong lungsod ang pagpasunod sa health protocols nga gilagda sa World Health Organization (WBO).
Ang mga nasubli ug ingon man bag-ong napili nga mga opisyales sa gipahigayong election niadtong Pebrero 7, 2021 mao sila si Jamel “Jack” Gonzales, presidente; Rene Colanag, vice-president; Carol Pagaran, secretary; Floro Marturillas, treasurer; Edward Baquir, auditor.
Ang mga sakop sa BOD nga naghupot usab og tagsatagsa ka mga chairmanship sa komitiba mao sila si Renato Agustinez, Ricardo Baldicanas, Bernard Jamorol, Ricky Apdan, Moises Matarlo Jr., Bernabe Lumapguid, Roque Briz III, Jovan Jovino, Alfredo Lungcayan ug Fortunata Cadampo.
Ang kalamboansa lungspg magpadayon karon. (JBM)