CLB: way mga ginikanang Manobo nga misugat

Gihimakak sa Children’s Legal Bureau nga gisugat sa pito ka mga ginikanan ang ilang mga anak nga lakip sa 13 ka mga bata nga Ata Manobo nga gipapauli sa Davao City niadtong Dominggo sa gabii, Pebrero 21, 2021.

Kini human namantala sa SunStar Cebu ug Superbalita Cebu ang pamahayag ni Police Colonel Robert Limbawan ug Lorena Bangoy, social worker officer sa lungsod sa Talaingod, ang ilang pagtugpa sa Davao City.

Matod ni manlalaban King Perez, communication and advocacy officer sa CLB, nga nahinabi niya ang usa sa mga ginikanan sa pito ka bata ug niingong wa siya mosugat sa airport.

Gisuwayan sa pagpugong sa CLB ang Women and Children Protection Center Visayas Field Unit pinaagi sa suwat niini tungod kay way pagtugot sa mga ginikanan nga makalarga ang mga bata, apan gihinayon gyud kini.

Matod sa unod sa suwat nga gitakdang mangabot sa Sugbo ang mga ginikanan sa mga bata karong adlawa, Pebrero 23, 2021.

Gani gi asikaso na ang mga papel niini aron personall nga mokuha sa ilang mga anak.

“Since they learned that their children are among those scheduled to travel to Davao City today, the parents are concerned because nobody has coordinated with them regarding the matter. According to them they never authorized the social worker Lorena Bangoy nor any other person from the LGU of Talaingod to get custody over their children,” matod sa opisyal nga pamahayag sa CLB.

Apan hugot nga gibarugan sa hepe sa Intelligence Division sa Police Regional Office 7, Police Colonel Robert Limbawan, nga adunay mga ginikanan sa pito ka Ata Manobo nga nisugat sa airport.

Sukwahi kini sa pasangil sa CLB nga bakak ang pangangkon sa kapulisan ug municipal social welfare officer sa Talaingod nga naa ang mga ginikanan niadtong pito ka mga bata.

Matod ni Limbawan nga gihangop sa mga ginikanan uban sa ilang tribal leader sa Ata Manobo ang pag-abot sa 13 ka mga menor de edad nga malinawon nga nakabalik sa ilang lugar.

“May sumalubong doon sa Davao. May mga banner pa nga sila na sumalubong doon yung nga tribal leaders at tsaka mga social worker,” matod ni Limbawan.

Giangkon hinuon niya nga aduna pay unom ang nagpabilin sa kustodiya sa Department of Social Welfare and Development 7 sanglit wa pay pagtugot sa ilang mga ginikanan nga maka larga pauli sa ilang lugar.

Ang lima niini taga Sultan Kudarat samtang ang usa taga Zamboanga del Sur.

Gipaabot pa nga maka anhi sa Sugbo ang ilang tagsa-tagsa ka mga ginikanan

Matod ni Limbawan nga dili na kinahanglan ang court order sa pagpapauli sa mga bata.

“No need. Hindi ko alam itong CLB na ito mga abogado ito pero hindi nila alam yung batas o nag maang-maangan sila. Why do wee need a court order? These are rescued minors and they are with their parents, with the tribal leaders, with DSWDO. So we don’t need a court order for that,” dugang ni Limbawan. (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph