Aron mapanalipdan ug malikay ang mga senior citizen sa coronavirus disease (Covid)-19, adunay tips nga gipagawas ang Emergency Operations Center (EOC) alang kanila.
Kini human 30 na ka mga tawo nga nangamatay sa Covid 19 sulod sa unang 21 ka adlaw sa Pebrero 2021, 95 porsyento kanila mga senior citizen.
Si Dr. Bryan Lim, consultant sa EOC. adunay 10 ka mga pahimangno sa mga edaran ug mahimo sab sundon sa mga batan-on.
Si Konsehal Joel Garganera sa Cebu City nihangyo sa mga senior citizen nga sundon sanglit kini lang ang bugtong paagi aron mapanalipdan ang ilang panglawas.
* Pagkatulog nga di motupad sa mga batan-on. Ilahi sab ang adunay mga sakit sanglit ang dikit nga pagkatog hulga sanglit wa nay gisul-ob nga mask ug sagad sila gikan sa gawas.
* Pakig-cooperate sa silingan. Kon mahimo usahon ang mga edaran ug lainon usab ang mga batan-on.
* Likayan ang pagdungan og kaon kuyog ang mga edaran.
* Kanunayon ang paglimpyo sa comfort room.
* Mag-disinfect labi na kon gikan sa trabaho. Dili isulod ang sapatos, maligo dayon sa dili pa mohikap sa mga butang sulod sa balay.
* Kinahanglan adunay kalutsan sa hangin sa balay.
* Likayan ang mga lugar nga sirado nga adunay daghang tawo.
* Manghugas kanunay sa mga kamot.
* Maglikay sa pakig tsismis sa mga silingan ug magbantay sa mga lihok.
* Mga batan-on kinahanglang mokonsiderar sa kaugalingon nga tinubdan sa kagaw ug sila makapanakod.
Matod pa ni Garganera nga ang mga senior citizen karon ang nakadaghan sa mga pasyente sa ospital.
Daghan kanila way history sa paggawas sa balay, apan natakdan gihapon sa Covid-19. (PAC)