DEAR Noy Kulas,
Just hide my true name. Just call me Farl. Naa na ko sa abroad nagpuyo for more than 20 years. Twice na ko na divorce and with my age at 63, di na ko ganahan mo venture og relationship kay basin unsa ray giapas. Anyway, naa koy mga anak nga maka support nako if I need them. Lig-on pa ko og lawas kay wa ko magpabaya. I do exercises and yoga. Ingon nila I look like in my late 40s.
Anyway, nakauyab ko og minyo nga Pinoy nga OFW thru sa chatroom. Mga six months na mi nga naay relationship until two months ago, magsige na mi og video call ug kahibawo n aka unsay purpose. Sex video mi at least twice a week. Ang wa nako mahibaw-I kay iya iya diay ning gi-record ang among gibuhat. Ako siyang gihangyo nga pwede ba i-delete but wa siya mo-agree kay iya ra kunong consumption.
Until nakahibawo ko sa iyang gibuhat, nahadlok na ko, so wa na ko mosugot bisan kon ganahan kaayo ko sa among gibuhat. Noy, unsa kahay akong buhaton aron ma-delete niya ang among video ug unsa kahay paagi aron akong ma-sure nga nand-delete siya? Please tabangi ko.
FARL
Farl,
Tarunga lang og hangyo. Ayaw lang dalia. Kon naa pa na diri sa atoa, sayon ra unta nimo nang magukod. But since naa mo sa abroad kamong duha, ang laws ninyo kon asa mo mao ra ang ma apply. Wa man sab ka magsulti kon asa siya nga country.
Suwayi lang pag contact ang local authorities sa iyang lugar kay basin maka-act sila. Kana kon di madala og hangyo ang imong boyfriend. Inyo na sab na nga lesson nga di angay mokompyansa, labina kon lagyo mong duha unya naa sa internet kay mahimo ra kaayo ang pagbinuang sa mga lalake. Daghan na ang nasulod ani sa bulsa.
Hinaut lang usab nga makasabot siya sa hinayhinay. Samtang wa pa na siya mosugot nga i-delete, ayaw na anang sex video call. Video call na lang, way sex kay kuyaw og pahimudsan ka. Kon di gani, pangita na lang og karelasyon diha nga naa ra sa imong surrounding, kanang di seryuso kaayo.
NOY KULAS
rojval69@yahoo.com ug kulassuper@sunstar.com.ph