SUPERBALITA DAVAO

2 dalang natabunan og yuta maagian na

Hulagway gikan sa Davao de Oro Province

DAVAO DE ORO -- Duha ka dalan sa lungsod sa Maragusan ang natabunan sa midahiling yuta samtang naglatagaw ang Bagyong Auring niadtong Dominggo, Pebrero 21, 2021.

Nasayran nga kalsada sa Sitio Cadupe, Barangay Talian ug Tagum-Maragusan Road sa Sitio Salaysayon, Barangay Cambagang, parehong sakop sa lungsod sa Maragusan, di maagian sa mga sakyanan gumikan sa midahiling yuta nga mitabon sa dalan.

Apan giingong dali nga giaksiyonan sa kagamhanang probinsiyal ang insidente pinaagi sa tabang sa MAC Builders subay sa hangyo sa lokal nga panggamhanan sa Maragusan ug gisugdan ang clearing operation alas 5:25 sa hapon sa maong adlaw.

Matud pa nga pinaagi sab sa tabang sa mga ekipo sa Department of Public Works and Highways, nagmalampuson ang gihimong operasyon ug nianang alas 8:00 sa gabii mahimo nang maagian ang Tagum-Maragusan Road.

Samtang sa pagka-alas 9:00 sa buntag pa kagahapon, Lunes, Pebrero 22, naagian ang dalan sa Sitio Cadupe, Barangay Talian. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph